समस्तीपुरसँ एकटा मामिला सोझाँ आयल अछि, जाहिमे वारंटी के गिरफ्तार करबाक लेल गाम पहुँचल पुलिस टीम आ परिवारक बीच झड़प भेल। झड़पमे पाँचटा पुलिसकर्मी आ पाँचटा गामक लोक घायल भऽ गेल। सभटाकेँ इलाजक लेल सदर अस्पतालमे भर्ती करायल गेल। ई घटना सोमक राति भेल।
दरअसल, समस्तीपुर पुलिसक टीम शराबक मामिलामे वारंटीके पकड़बाक लेल ओकरा गाम पहुँचल। पुलिस आरोपीके गाड़ीमे बैसा रहल छल कि परिवारक लोक हुनका पर हमला कऽ देलक। एहिसँ पुलिस आ परिवारक बीच झड़प भऽ गेल। झड़पमे पाँच पुलिसकर्मी सहित दस गोटे घायल भऽ गेल। घायलक पहिचान कौशल शाह, इन्द्रदेव कुमार, चन्द्रमणि कुमार, उमाशंकर शाह आ अंजली देवीक रूपमे भेल अछि। सभटाकेँ इलाजक लेल सदर अस्पतालमे भर्ती करायल गेल छल। एकर बाद नगर थाना, मुफ्फसिल आ मुसरीघरारी थानाक पुलिस सीधा अस्पताल पहुँचल आ महिलाकेँ छोड़ि सभकेँ गिरफ्तार कऽ लेलक।
ई घटना समस्तीपुरक मुसरीघरारी थाना अन्तर्गत हरपुर एलौथ गामक अछि। एसपी संजय पांडेय एहि मामिलाक बारेमे विज्ञप्ति जारी कयलनि। वारंटीक बेटा कौशल कुमार कहलक जे पुलिस एक दिन पहिने आयल छल। ओ वारंटक विषयमे गप्प कऽ रहल छल, मुदा वारंट की जारी कयल गेल अछि एकर जानकारी नहिं देलनि। आइ पुलिस फेर पहुँचल आ पिता सत्यनारायण शाहकेँ गिरफ्तार कऽ लेलक। वारंटक कारण पूछला पर पुलिस कोनो जवाब नहि देलक। कौशल आरोप लगओलक जे एकर बाद पुलिस परिवारक सदस्यपर हमला करब शुरू कऽ देलक, जाहिमे कौशल सहित घरक ५ सदस्य घायल भऽ गेल।
