शहरक वार्ड नम्बर 5 केर राम जानकी कॉलोनी चौक पर राशनक दोकानमे शार्ट सर्किटक कारण लागल आगिसँ लाखोंक सामान जरिकेँ राख भऽ गेल।
भोरे करीब 9:00 बजे इंडियन स्वान नामक दोकान जे फनीश कुमार झा’क अछि, बंद दोकानमे बिजलीक शार्ट सर्किटक कारण आगि लागि गेल। आगि एतेक तेज पसरि गेल जे किछुए मिनटमे पूरा दोकान आगिमे जरि गेल। दोकानक भीतरसँ धुँआ निकलैत देखि चौक पर स्थित सभ दोकानदार आगि पर काबू करबाक हर संभव प्रयास कयलक। मुदा आगिके लौ एकदम राक्षसी रूप ल’ लेने छल।
स्थानीय दोकानदार सभ दमकल विभागकेँ एहि बातक जानकारी देलक आ दमकल विभाग मौका पर पहुंचि आगि पर काबू पाबि लेलक।
दोकानदार फनीश झा कहलनि जे, भोरे दोकान बंद कयलाक बाद पत्नीके स्कूल छोड़य लेल गेल छलहुँ। एम्हर हुनका स्थानीय लोकसँ जानकारी भेटलनि जे हुनकर दोकानमे आगि लागि गेल अछि। कोनो तरहेँ जखनि हम अपन दोकान पर पहुँचलहुँ त फायर ब्रिगेड आ स्थानीय लोक द्वारा आगि पर काबू पाबि लेल गेल, मुदा दोकानमे राखल लाखो रुपैयाक सामान जरि कए राख भऽ गेल।
