राष्ट्रीय जनता दल (राजद) नेता तेजस्वी यादव बृहस्पतिकेँ स्पष्ट कयलनि कि बिहारक जमुई लोकसभा क्षेत्रमे एकटा जनसभामे राजद कार्यकर्ता द्वारा लोजपा प्रमुख चिराग पासवान आ हुनकर परिवारकेँ गारि देबाक वायरल वीडियो पर अपन बेबाक बयान देलनि।
पटनामे संवाददाता लोकनिक सङ्ग चर्चाक क्रममे ओ कहलनि जे मंच पर भाषणक क्रममे जे नीचाँसँ बजैत छथि, ऊपर किछु नहिं सुनल जाइत अछि।
“मंच पर, किछु नहिं बुझाइत अछि जे के की बजैत अछि। कियो अपन वीडियो बनौलक। कतेको ठाम हमरासभकेँ सेहो लोक गारि पढ़ैत अछि। सभ बुझैत अछि जे की अछि आ की नहिं।”
ओ दावा कयलनि जे पहिल चरणक चारू सीट पैघ अन्तरसँ जीतल जा रहल छी।
बुधदिन जमुईमे राजद नेता तेजस्वी यादवक चुनावी रैलीमे राजद कार्यकर्ता द्वारा लोजपा प्रमुख चिराग पासवान आ हुनकर परिवारकेँ गारि देबाक वीडियो वायरल भेल छल।
लोजपा प्रमुख चिराग पासवान सेहो कहलनि जे तेजस्वी यादवक व्यवहारसँ ओ नाखुश छथि। एहि वीडियोमे तेजस्वी मंच पर भाषण दैत देखल जा रहल छथि आ राजद कार्यकर्ता द्वारा चिराग आ हुनकर परिवारक बारेमे नीचासँ अश्लील बात कहल जा रहल अछि। यद्यपि एहि वीडियोक प्रामाणिकता पुष्टि होएब बाकी अछि। एहि वीडियोक संज्ञानमे अयलाक बाद चिराग पासवान कहलनि जे ओ तेजस्वी यादवसँ दुखी छथि। तेजस्वीकेँ अपन छोट भाई बताबैत ओ कहलनि कि हमर छोट भाई तेजस्वी यादव ओहि मंच पर ठाढ़ छलाह। तेजस्वीक संग हमर संबंध बहुत पुरान अछि। हम दुनू अलग-अलग राजनीतिक शिविरमे छी, मुदा एहि कारणेँ हम एक दोसरक परिवारकेँ गारि नहिं देब।
