बिहार विधानसभा चुनावसॅं ठीक पहिने बढ़ैत आपराधिक मामिला चिंताजनक अछि। आशा अछि जे प्रशासन जल्दिये कानून व्यवस्थाकेँ पटरी पर लाबय लेल ठोस आ सख्त डेग उठाओत।
केंद्रीय मंत्री चिराग पासवान बिहारमे बढ़ैत अपराध पर चिंता व्यक्त कयलनि। ओ इंस्टाग्राम पर एकटा पोस्टमे लिखलनि जे, “बिहारमे कानून व्यवस्थाक स्थिति आइ गंभीर चिंताक विषय बनि गेल अछि। रोज हत्या भऽ रहल अछि, अपराधीक मनोबल आसमान पर अछि।”
चिराग ईहो कहलनि जे “पुलिस-प्रशासनक काज करय केर शैली समझिसॅं बाहर अछि। काल्हि पटनाक एकटा आवासीय क्षेत्रमे स्थित पारस अस्पतालमे अपराधी प्रवेश कय सार्वजनिक रूपसॅं गोलीबारी करय केर घटना एहि बातक प्रमाण अछि कि अपराधी आब सीधा कानून आ प्रशासनकेँ चुनौती दऽ रहल अछि।
ओ कहलनि जे बिहार विधानसभा चुनावसॅं ठीक पहिने बढ़ैत आपराधिक मामिला चिंताक विषय अछि। आशा अछि जे प्रशासन जल्दिये कानून व्यवस्थाकेँ पटरी पर लाबय लेल ठोस आ सख्त कदम उठाओत।
बता दी जे एहिसॅं पहिने सेहो केंद्रीय मंत्री चिराग पासवान सोशल मीडिया प्लेटफॉर्म एक्स पर बिहारमे अपराधक बढ़ैत घटना पर चिंता व्यक्त कयने छलाह, ओ पोस्ट कयने छलाह, “बिहारीकें आओर कतेक हत्या सहय पड़त ? इ बुझबासॅं बाहर अछि जे बिहार पुलिसक जिम्मेदारी की अछि।”
ओ ई बात तखन कहलनि जखनि हालहिमे व्यवसायी गोपाल खेमकाकें घरक सामने बदमाश गोली मारि कय हत्या कय देलक। एकर बाद एकटा आओर व्यवसायी रमाकांत यादवकेँ हत्या पटनामे अपराधी द्वारा कय देल गेल। एकटा वकीलक हत्या भेल आ आब पारस अस्पतालक भीतर एकटा कैदीक हत्या कऽ देल गेल, जाहिसॅं बिहारक कानून व्यवस्थाक स्थिति पर सवाल उठब स्वाभाविक अछि।
