बिहार सरकार 2025-26 लेल मुख्यमंत्री विद्युत उपभोक्ता सहायता योजना केर तहत 15,995 करोड़ रुपयाक सब्सिडी मंजूर कयलक अछि, जे पिछला वर्षसँ लगभग 4% बेसी अछि। ई सब्सिडी ग्रामीण उपभोक्ताकेँ प्रति यूनिट 40 पैसा आ स्मार्ट मीटर वला उपभोक्ताकेँ 25 पैसाक राहत देत।
बिहारमे नीतीश सरकार राज्यमे बिजली उपभोक्ताकेँ राहत देबाक लेल पैघ पहल कयलक अछि। शुक्रदिन कैबिनेट एहि प्रस्तावकेँ सर्वसम्मतिसँ मंजूरी देलक। राज्य सरकारक एही फैसला पर लोक राहत महसूस कऽ रहल अछि।
असलमे, फाइनेंसियल ईयर 2025-26 केर लेल मुख्यमंत्री विद्युत उपभोक्ता सहायता योजनाक तहत राज्य सरकार राज्यमे विभिन्न श्रेणीक बिजली उपभोक्ताक लेल विद्युत खपतमे प्रति यूनिट निर्धारित अनुदान राशिकेँ लेल 15,9,95 करोड़ रुपए स्वीकृत कएलक अछि। एहि योजनाक अंतर्गत अप्रैल 2025 सँ आगूक मार्च महीना धरिक अवधिक लेल अछि। 1332.92 करोड़ रुपए प्रति महीनाक दरसँ मंजूरी देल गेल अछि। ई रुपया रिजर्व बैंक ऑफ इंडिया द्वारा सीधे एनटीपीसी लिमिटेडकेँ भुगतान कएल जाएत।
एहि विषयमे जनतब दैत कैबिनेट सचिव डॉक्टर एस सिद्धार्थ कहला कि मुख्यमंत्री विद्युत सहायता योजना अंतर्गत प्रत्येक मास आओल बिलमे सरकार सब्सिडी दैत अछि। प्रत्येक उपभोक्ताकेँ सब्सिडी भेटैत अछि। ई पहिनेसँ चलि रहल अछि। एहि वर्ष 2025-26 मे सब्सिडीक भुगतान लेल कैबिनेट एहि राशिकेँ मंजूरी देलक अछि। प्रत्येक बिलमे सब्सिडी राशि रहैत अछि।
सरकारक एहि घोषणासँ राज्यक करीब सवा करोड़सँ बेसी बिजली उपभोक्ताक प्रति यूनिट 40 पैसा सस्ता बिजली भेटत। एहि प्रकार राज्यमे लगभग 63 लाखसँ बेसी एहेन उपभोक्ता अछि, जे स्मार्ट प्रीपेड मीटर लगौने अछि। हुनका 25 पैसा प्रति यूनिट सस्ता बिजली भेटत।
विभाग द्वारा देल गेल जानकारीक अनुसार एखन धरि स्मार्ट मीटर लगौनिहार भुगतानकेँ रिचार्ज करबा पर 3% केँ छूट भेटि रहल छल। ओतहि राज्य सरकारक एहि फैसला पर लोक राहत महसूस कऽ रहल अछि।
