अन्तर्राष्ट्रीय महिला दिवसक अवसर पर मुख्यमंत्री मोहन यादव भोपालक मिंटो हॉलमे एकटा कार्यक्रमकेँ सम्बोधित कयलनि। ओ कहलनि जे सरकार निर्दोष बेटीसभ पर अत्याचार करयवलाकेँ नहि छोड़त। दोषीकेँ सबसँ कठोर दंड देल जा रहल अछि।
मुख्यमंत्री मंचसँ कहलनि कि बेटीक धर्मांतरणक दोषीक लेल मध्य प्रदेशमे मृत्युदंडक प्रावधान सेहो कैल जायत।
जनतब अछि जे मध्य प्रदेशक लाडली बहिनसभक लेल अन्तर्राष्ट्रीय महिला दिवस बहुत विशेष छल। मुख्यमंत्री डॉ. मोहन यादव 1.27 करोड़ महिलाक खातामे लगभग 1552.73 करोड़ रुपया आ 26 लाख महिलाक खातामे गैस रिफिलिंग’क लेल 55.95 करोड़ रुपया हस्तांतरित कयलथि। ओ राष्ट्रमाता पद्मावती पुरस्कार (२०२३), राजमाता विजयराजे सिंधिया समाज सेवा पुरस्कार (२०२३-२४), रानी अवन्तीबाई बहादुरी पुरस्कार (२०२४) आ श्री विष्णु कुमार महिला आ बाल कल्याण समाज सेवा सम्मान पुरस्कार (२०२४) सँ उत्कृष्ट कार्यक लेल कतेको महिलाकेँ सम्मानित कयलनि।
राजधानी भोपालक कुशाभाऊ ठाकरे कन्वेंशन हॉलमे आयोजित कार्यक्रममे लाभार्थी महिला लोकनि सेहो अपन अनुभव साझा कयलनि।
मुख्यमंत्री ग्रामीण आजीविका मिशनक अन्तर्गत महिलासभकेँ २०० सँ बेसी ई-साइकिल प्रदान कयलनि। डिजिटल ई-न्यूजलेटर ‘आजीविका अनुभूति’ शुरू कयल गेल। ओ डीडीयू-जीकेवाईक अन्तर्गत प्रशिक्षण लेनिहार युवा महिलासभकेँ नियुक्ति पत्र सेहो देलनि। एहि अवसर पर स्व-सहायता समूहक महिला लोकनि मंच पर अपन अनुभव साझा कयलनि।
