मुख्यमंत्री डॉ. हिमंत विश्व शर्मा आहोम गांव गढ़चुकमे पीयरलेस समूह द्वारा स्थापित 300 विस्तर वाला मल्टी स्पेशलिटी अस्पतालक उद्घाटन कयलनि।
ध्यान देबय वाला बात अछि कि एडवांटेज असम 2.0 शिखर सम्मेलनक दौरान असम सरकारक संग कायल गेल समझौताक तहत पीयरलेस समूह द्वारा एहि अस्पतालक स्थापना कायल गेल अछि । एहि अवसर पर डॉ. शर्मा कहला जे एडवांटेज असम 2.0 केर दौरान असम सरकार विभिन्न क्षेत्रमे निवेशकेँ बढ़ावा देबाक उद्देश्यसँ कतेको समझौता पर हस्ताक्षर कयने छल , जाहिमे सँ अधिकतर आब क्रियान्वयनक विभिन्न चरणमे अछि। जखनि कि किछु कंपनी परिचालन शुरू कऽ चुकल अछि आ किछु कंपनी अपन परियोजनाक उद्घाटन कयलक अछि आ किछु कंपनी अपन योजनाकेँ आगू बढ़ेबा लेल सरकारसं चर्चा शुरू करि देलक अछि।
ओ कहला जे पीयरलेस समूह क संग समझौता पर हस्ताक्षर भेलाक बादसं राज्य सरकार कंपनीक संग मिलिकए अस्पतालकेँ संचालित करबा लेल काज कयलक अछि। पीयरलेस समहू क उपलब्धिकेँ उजागर करैत मुख्यमंत्री कहला जे पीयरलेस भारतक सबसं पुरान कंपनीमे सं एक अछि जे स्वास्थ्य सेवा आ अन्य क्षेत्रमे विस्तार करबासँ पहिने वित्तीय क्षेत्रमे शुरुआत कयने छल। ओ कहला जे पश्चिम बंगालमे दूटा अस्पताल पहिनेसं काज कऽ रहल अछि आ गुवाहाटीमे एहि अस्पतालक स्थापना असममे स्वास्थ्य सेवाक विकासमे एकटा महत्वपूर्ण कदम अछि।
राज्यमे पीयरलेस समहूक उद्यमक सफलता पर विश्वास व्यक्त करैत मुख्यमंत्री कहला जे एहि सुविधासं असमक लोककेँ गुणवत्तापूर्ण स्वास्थ्य सेवा उपलब्ध कराओल जाएत।
पीयरलेसक प्रबंध निदेशक जयंत राय अस्पतालक स्थापनामे मुख्यमंत्री डॉ. शर्मा आ असम सरकारक सहयोग लेल आभार व्यक्त केलनि । ओ असममे अनुकूल व्यापारिक माहौलक प्रशंसा करैत प्रशासनक दक्षता आ जवाबदेहीक उल्लेख कयलथि।
