वर्ल्ड नेचुरल डेमोक्रेसी (डब्ल्यूएडी) केर तत्त्वावधानमे प्रस्तावित ग्लोबल डेमोक्रेस वर्ल्ड कांग्रेस 2026 केर दोसर बैठक 25 जनवरीकेँ ल. ना. मि. विश्वविद्यालयक राजनीति विज्ञान विभागमे आयोजित कयल गेल। बैठकमे वर्ल्ड कांग्रेसक विभिन्न विषय सभ, कार्यक्रम संरचना आ आयोजनक तैयारी पर गहन विचार-विमर्श भेल।
बैठकमे लेखक आ डब्ल्यूएनडी अध्यक्ष डॉ. जावैद अब्दुल्लाह पीपीटी द्वारा वर्ल्ड कॉंग्रेसक शेष बात सभकेँ स्पष्ट कयलनि।आगुक रूप-रेखा प्रस्तुत कयलनि। बैठकमे राजनीति विज्ञानक विभागाध्यक्ष प्रो. मुनेश्वर यादव कहलनि जीडीडब्ल्यूसी (ग्लोबल डेमोक्रेसी वर्ल्ड कॉंग्रेस) केर केन्द्रीय विषय ‘डेमोक्रेसी ऑन अर्थ – डेमोक्रेसी विद अर्थ’ भविष्य चिंतनक धारा अछि आ एहिलेल ई दुनियाक विद्वानकेँ सोचय लेल अपना तरफ आकर्षित करत।
एपीजेएकेडब्ल्यूआईटी केर पूर्व निदेशक एम. नेहाल कहलनि कि वर्ल्ड कॉंग्रेसक पूरा रूप-रेखा जानि लेलाक बाद हम ई कहि सकैत छी कि ई आयोजन एहि 21म सदीमें एकटा क्रांति बीज केर रोपय केर संकेत अछि। हमरा खुशी अछि कि एकर शुरुआत भारतसँ भऽ रहल अछि।
वनस्पति वैज्ञानिक प्रो. विद्यानाथ झा कहलनि कि वर्ल्ड कांग्रेस (जीडीडब्ल्यूसी) केर आयोजन हमर भारतक लोकतांत्रिक मूल्यक प्रति प्रतिबद्धताकेँ तऽ दर्शाबैते अछि, संगहि संग प्रकृति संरक्षणक कर्तव्यों पर अकादमिक विमर्शक आमंत्रण सेहो दैत अछि।
मौलाना आज़ाद नेशल उर्दू यूनिवर्सिटी केर दरभंगा शाखाक प्राचार्य प्रो. फ़ैज़ अहमद अपन विचार रखैत कहलनि कि ई आयोजन भारते नहीं बल्कि समस्त भूनागरिकक लेल महत्वपूर्ण अभूतपूर्व होयत।
एहि अवसर पर ‘तालाब बचाओ अभियान’क संयोजक नारायण जी चौधरी, साहित्यकार प्रो. मंज़र सुलैमान, प्रो. अरशद खान तोराबी, प्रो. मुकुल बिहारी वर्मा, डॉ. मिर्ज़ा रूहुल्लाह बेग, डॉ. उदय कुमार एवं डॉ. घनश्याम राय अपन विचार प्रस्तुत कयलनि।
ओतहि विभागक विद्यार्थियों एवं शोधार्थी सभ सेहो भाग लेलनि। धन्यवाद ज्ञापन डॉ. सोनू रजक कयलनि।
जनतब जे संयुक्त राष्ट्र मुख्यालय न्यूयॉर्कसँ यूएन महासचिव एंटोनिओ गुटेरेसक तरफसँ जीडीडब्ल्यूसी केर लेल शुभकामना भेटल।
