दरभंगा जिलाक सदर थाना क्षेत्रमे अवैध बस पड़ावक कारण दोनार-दिलावरपुरमे एकटा बस एकगोटाकेँ कुचलि देलक, जाहिसँ गैस वेंडरक काज करय वाला मजदूर गम्भीर रूपसँ जख्मी भऽ गेल अछि। बस चालक घटनास्थलसँ भागि गेल, वेंडरकेँ बसक नीचा दबल छोड़ी देलक।
स्थानीय लोकसभ हुनका इलाजक लेल अस्पतालमे भर्ती कयलनि, जतय ओ जिंदगीक लेल लड़ि रहल छथि। एकर बाद स्थानीय लोकक आक्रोश भड़कि उठल। घायल व्यक्तिक पहिचान मोती पासवानक रूपमे भेल।
जानकारीक अनुसार मोती पासवान घरेलू गैस सिलेंडरक होम डिलीवरी विक्रेताक रूपमे काज करैत अछि। घटनाक तुरन्त बाद स्थानीय लोकनि पहिने घायल मोती पासवानकेँ इलाजक लेल दरभंगा डीएमसीएच अस्पताल पठौलनि। मोती पासवान एखनि जीवन मौतसँ लड़ि रहल छथि आ वर्तमानमे ओ मरणासन हालमे छलथि।
ओतहि घटनाक बाद आक्रोशित लोक दरभंगा कुशेश्वर स्थान मुख्य सड़क अवरुद्ध कऽ हंगामा शुरू कऽ देलक। एक दिसि लोक पीड़ितक मदति लेल बस मालिककेँ घटनास्थल पर बजाबयके बात कऽ रहल छल। संगहि ओ सभ एहि अवैध बस अड्डाकेँ तुरंत हटयबाक माँग कऽ रहल छलाह।
ई घटना दरभंगाक सदर थाना क्षेत्रमे भेल छल। जखनि लोकक आक्रोश भड़कि गेल तखनि कतेको थानाक पुलिस घटनास्थल पर पहुँचल आ आक्रोशित लोकसभकेँ शान्त कऽ सड़क जाम हटयबाक कवायद शुरू कयलक। मुदा स्थानीय लोक अवैध बस अड्डा हटयबाक अपन मांग पर अडिग छथि।
