बसपा बिहारक सभटा ४० लोकसभा सीटपर चुनाव लड़बाक घोषणा कयलक अछि। काराकाटसँ धीरज कुमार सिंह आ वैशालीसँ शम्भु कुमार सिंहकेँ टिकट भेटल अछि।
लोकसभा चुनावकेँ देखैत बहुजन समाज पार्टी (बसपा) बृहस्पति केँ उम्मीदवारक एकटा आओर सूची जारी कयलक। एहि सूचीमे पार्टी ११ उम्मीदवारक नामक घोषणा कयलक अछि। एहि सूचीमे मजबूत चेहरा सेहो अछि। बसपा द्वारा जारी सूचीमे पूर्व सांसद अरुण कुमारकेँ जहानाबाद सीटसँ मौका देल गेल अछि।
अन्य उम्मीदवार बक्सरसँ अनिल कुमार चौधरी, सासारामसँ संतोष कुमार, काराकाटसँ धीरज कुमार सिंह, वैशालीसँ शंभू कुमार सिंह आ मधुबनीसँ विकास कुमार छथि। अन्य उम्मीदवार मैदानमे उतरल छथि मुजफ्फरपुरसँ विजयेश कुमार, सारण सँ डॉ अविनाश कुमार, हाजीपुरसँ शशि स्वराज, पूर्वी चंपारणसँ सत्यम यादव आ शिवहरसँ विजेन्द्र ठाकुर।
बसपा सभ ४० सीट पर चुनाव लड़बाक घोषणा कयलक अछि।
बहुजन समाज पार्टी (बसपा) शनिदिन बिहारक १९ लोकसभा सीटक लेल अपन उम्मीदवारक नामक घोषणा कयलक। बसपा बिहारक सभटा ४० लोकसभा सीटपर चुनाव लड़बाक घोषणा कयलक अछि। बिहार मे बसपा भले बहुत मजबूत स्थितिमे नहिं अछि, मुदा ई देखय पड़त जे ओहि सीट पर की परिणाम आबि रहल अछि जतयसँ पूर्व सांसद अरुण कुमार सन उम्मीदवार बसपासँ उतरैत छथि।
