लोकसभामे नेता प्रतिपक्ष आ कांग्रेस सांसद राहुल गांधी शुक्रदिन श्रीनगर पहुँचलाह। एतय ओ मुख्यमंत्री उमर अब्दुल्ला आ उपराज्यपाल मनोज सिन्हासँ भेंट कएलनि। संगहि राहुल गांधी पहलगाम आतंकी हमलामे घायल आ पीड़ित सभसँ सेहो भेंट कएलनि। ओ पहलगाम आतंकी हमलाक बारेमे कहलनि कि जे किछु भेल अछि, तकर पाछू समाजकेँ विभाजित करबाक सोच अछि, भाईकेँ भाईसँ लड़बैक साजिश अछि। एहेनमे ई जरूरी अछि जे हर भारतीय एकजुट भ’ क’ आतंकवादीक नापाक कोशिशकेँ विफल करी।
कांग्रेस सांसद राहुल गांधी मीडियाकेँ सम्बोधित करैत कहलनि जे ई एकटा भयानक त्रासदी अछि। हम एहिठामक हालात बुझय आ मदद करबा लेल आयल छी। जम्मू-कश्मीरक सभ लोक एहिठामक भयानक हमला केर निन्दा कयलनि आ ओ राष्ट्रक संग छथि। हम घायल भेल लोककेँ भेंट कयलहुँ। हमर प्यार आ स्नेह सबहक संग अछि, जकरा अपन परिवारक सदस्यक हानि भेल अछि। हम सभकेँ कहब चाहैत छी जे पूरा राष्ट्र हुनका संग ठाढ़ अछि। एक दिन पूर्व बृहस्पतिकेँ हम सरकारक संग बैठक कयलहुँ आ पूरा विपक्ष एहि हमलाक निन्दा कयलक।
ओ आगू कहला कि एकरे संगे हम सरकार द्वारा कएल जाए बला कोनो कारवाईकेँ पूरा समर्थन देने छी। जे किछु भेल अछि, ओकरा पाछू समाज केर विभाजित करबाक विचार छै, भाई के भाईसँ लड़ाबै बला साजिश अछि। एहेन स्थितिमे ई जरूरी अछि जे हर भारतीय एकजुट भऽ कऽ आतंकवादीक नापाक कोशिशकेँ विफल करय। ई दुखद अछि जे किछु लोक कश्मीर आ देशक बाकी हिस्सामे हमर भाई आ बहिन पर हमला कऽ रहल अछि। हमरा एहेन समयमे एकजुट भऽ कऽ आतंकवादकेँ हरायब आओर एहि घृणित काजक खिलाफ लड़य केर आवश्यकता अछि। आतंकवादकेँ हमेशा लेल हराबय केर लेल हमरा सभकेँ एकजुट आ संगठित भऽ कऽ ठाढ़ होबय केर चाही। हम मुख्यमंत्री आ उपराज्यपालसँ सेहो भेंट कएल। ओ सभ हमरा घटनाक बारेमे जानकारी देलनि। हम दुनु गोटेकेँ आश्वस्त कएल अछि जे हम आ हमर पार्टी हुनका पूरा समर्थन करब।
एहि दौरान राहुल गांधी श्रीनगरमे कांग्रेसक नेता, कार्यकर्ता आ स्थानीय लोक सभसँ भेंट कएलनि। ओ सभकेँ कहलनि जे आतंकवादक खिलाफ पूरा देश एकजुट अछि। हमरा जुड़ल रहय केर चाही, नफरत आ आतंकक खिलाफ ठाढ़ रहय केर चाही।
