केंद्रीय गृह मंत्री अमित शाह बुधदिन लखीमपुर खीरीमे अजय मिश्रा टेनीक पक्षमे एकटा चुनावी रैलीकेँ संबोधित करैत कहलनि कि भाजपाक बहुमत लाउ, एहि संविधान विरोधी मुस्लिम आरक्षणकेँ समाप्त कए हम पिछड़ा वर्गकेँ देबाक काज करब।
ओ आरक्षणक मुद्दा पर विपक्षकेँ घेरलनि आ कहलनि कि जँ कियो पिछड़ा वर्गक आरक्षण लूटलक अछि, त इ अखिलेश यादवक सहयोगी कांग्रेस कयलक अछि। कर्नाटकमे जखन हुनका बहुमत भेटलनि तखन ओ मुसलमानसभकेँ ५ प्रतिशत आरक्षण देलनि, ओ सेहो पिछड़ा वर्गक आरक्षणमे कटौती कऽ । आन्ध्र प्रदेशमे सेहो जखन ओ सत्तामे छलाह तखन ओ पिछड़ा वर्गक आरक्षण काटि मुसलमानकेँ आरक्षण देलनि। कांग्रेस, सपा आ बसपा झूठ प्रचार कऽ भाजपा आ मोदी सरकारकेँ बदनाम कऽ रहल अछि। ओ सभ कहि रहल छथि जे जँ अहां पीएम मोदीकेँ ४०० सीट देब तऽ आरक्षण चलि जाएत।
ओ कहलनि जे तेसर चरणक चुनाव काल्हि भेल अछि। तीन चरणमे पीएम मोदी १९० सीट पार कऽ चुकल छथि, आ चारिम चरणमे हुनक नेतृत्वमे भाजपा आ एनडीए ४०० सीट दिस जोरसँ आगू बढ़ि रहल अछि। सपा, बसपा आ कांग्रेस साफ भऽ गेल अछि। पीएम मोदीकेँ तेसर बेर प्रधानमंत्री बनाबयकेँ संग-संग चुनाव ३ करोड़ गरीब बहिनकेँ ‘लखपति दीदी’ बनाबयकेँ अछि। ई चुनाव ३ करोड़ गरीब लोककेँ अपन घर देबाक लेल अछि। ई चुनाव ३ लाख गाममे डेयरी बना पशुपालनसँ जुड़ल भाइ-बहिनकेँ समृद्ध बनयबाक चुनाव अछि।
ओ कहलनि “राहुल बाबा कहैत छथि जे हम एक झटकामे गरीबी मिटा देब। हे राहुल बाबा! अपन ट्रैक रिकॉर्ड देखू, अहाँक दादी एकहि झटकामे आपातकाल लगा देलनि। अहाँक पिता एक झटकामे फेरसँ तीन तलाकक शुरुआत कयलनि आ अहाँक पार्टी एक झटकामे पिछड़ा समाजक आरक्षण छीनय केर काज कयलक अछि।
गृहमंत्री कहलनि कि रामगोपाल यादव राम मंदिरकेँ बेकार कहैत छथि। हमर बात मोन राखू, जँ कनिको गलती होयत तखन ओ सभ बाबरीक नाम पर राम मंदिरकेँ ताला लगाबय केर काज करत। जँ इंडी एलायंसकेँ बहुमत भेटैत अछि तँ अहाँ हमरा बताउ जे हुनकर प्रधानमंत्री के होयत ? हुनका लग प्रधानमंत्री पदक उम्मीदवार तक नहिं अछि। जखन पत्रकार लोकनि हुनका सभसँ पुछलखिन जे ओ के बनत, तखन ओ कहैत छथि जे ओ बेरा-बेरी एक-एक साल बनि जायत। हुनका लग कोनो नेता नहिं अछि, कोनो इरादा नहिं अछि, कोनो नीति नहिं अछि। जँ हुनका लग अछि तखन मात्र परिवारवाद अछि।