राजद प्रवक्ता मृत्युंजय तिवारी कहैत छथि जे भाजपा जेडीयू केर तोड़ि बिहारमे अपन सरकार बनाबय चाहैत अछि।
बुधवाकेँ अटल बिहारी वाजपेयीक सयम जयंतीक अवसर पर आयोजित कार्यक्रममे उप मुख्यमंत्री विजय कुमार सिन्हा कहने छलाह जे बिहारमे भाजपाक अपन सरकार होएत तखने अटलजीकेँ सच्चा श्रद्धांजलि भेटत। हुनक बयानक बाद राज्यमे राजनीतिक पारा बढ़ि गेल अछि। विजय कुमार सिन्हा अपन बयानक बाद स्पष्टीकरण सेहो देलनि, मुदा राजदकेँ एहि पर संदेह अछि। आब राजद नेता मृत्युंजय तिवारी एकरा निशाना बनौलनि अछि।
राजद प्रवक्ता मृत्युंजय तिवारी कहैत छथि जे भाजपा जेडीयू केर तोड़ि बिहारमे अपन सरकार बनबय चाहैत अछि। भाजपा नीतीश कुमारकेँ मुख्यमंत्रीक कुर्सीसँ हटा कऽ अपन मुख्यमंत्री बनबय चाहैत अछि। जेडीयूक एकटा वर्ग अछि जे जेडीयूकेँ भाजपामे विलय करय चाहैत अछि।नीतीश असहाय भए गेल छथि। हम जे आशंका व्यक्त कए रहल छी ओ आब जुबान पर आबि गेल अछि। उप मुख्यमंत्री विजय कुमार सिन्हा अपन मुँहसँ भाजपाक हृदयक बाद कहि देलनि। चाहे ओ (विजय सिन्हा) आब कतेको स्पष्टीकरण दैथ सत्य सामने आबि गेल अछि।
राजद नेता मृत्युंजय तिवारीकेँ उप मुख्यमंत्री विजय कुमारक बयानमे भले दम लगैत होइन, मुदा उप मुख्यमंत्रीक कहब छनि जे भ्रम पसारल जा रहल अछि। हुनकर बयानकेँ तोड़ि-मरोड़ि कए प्रस्तुत कयल जा रहल अछि। जखने विजय सिन्हा भाजपाक सरकार बनाबयवाला बात कहलनि तऽ एहि पर हुनकासँ प्रतिक्रिया मांगल गेल, तऽ ओ साफ-साफ कहलनि जे नीतीश कुमार अटल जीक सच्चा सहयोगी छथि। जे जेडीयू आ भाजपाक बीच भ्रम पसारय केर कोशिश कऽ रहल अछि ओ कहियो सफल नहि होयत।
अगिला साल (२०२५) राज्यमे विधानसभा चुनाव अछि। एम्हर विपक्षक तरफसँ अलग-अलग बयान आबि रहल अछि। यद्यपि, भाजपाक कतेको नेता ई स्पष्ट कऽ देने छथि जे २०२५ मे एनडीए मुख्यमंत्री नीतीश कुमारक नेतृत्वमे चुनाव लड़त। आब देखय चाही जे २०२५ मे कोन चित्र सामने आबैत अछि।
