बिहार चुनावसॅं पहिने कांग्रेस राज्यमे काफी सक्रिय भऽ गेल अछि। दिल्ली आ राजस्थानक पुरान रणनीति केर आगू बढ़बैत पार्टी पटनामे मेगा रोजगार मेलाक आयोजन कयलक। एहि मेलामे बेरोजगार युवाक भारी भीड़ देखल गेल। कांग्रेस नेता आ लोकसभामे विपक्षक नेता राहुल गांधी एहि मेलामे जमा भीड़क वीडियो सोशल मीडिया पर शेयर कय बिहार सरकारकें निशाना बनेलनि।
राहुल गांधी अपन पोस्टमे कहलनि जे महारोजगार मेलामे जे भारी भीड़ जमा भेल ओ सिर्फ भीड़ नहि बल्कि एकटा संदेश अछि। बिहारक युवा आब अपन भविष्य रोजगारसॅं चाहैत अछि, भाषणसॅं नहि। जेना भाजपा आ नीतीश सरकार बिहारकेँ बेरोजगारीक आगिमे फेंकि देलक अछि, लाखों युवा केर ओतयसॅं रोजी-रोटीक तलाशमे पलायन करय पड़ैत अछि। अपन गाम, अपन परिवार सब किछु छोड़य पड़ैत अछि।
कांग्रेस नेता आगू कहलनि जे बिहारक युवा मेहनती, सक्षम आ होनहार छथि। हुनका सबकेँ बस स्थानीय आ सम्मानजनक रोजगारक जरूरत छैन्ह। आब परिवर्तन शुरू भऽ गेल अछि। कांग्रेस आ इंडी गठबंधन मात्र आश्वासन नहि बल्कि समाधान सेहो अनलक अछि। हमर सबहक फोकस स्पष्ट अछि। कौशलक अधिकार, सभ युवाकेँ रोजगार, पलायन बंद होबाक चाही, हर परिवारकें एक संग रहबाक चाही। एकटा समृद्ध बिहारक निर्माण एहिसॅं होयत।
जनतब जे राहुल भारतीय युवा कांग्रेसक ट्वीट शेयर करैत ई बात कहलनि। एहि ट्वीटमे आईवाईसी कहलक, पटनामे युवा कांग्रेसक महारोजगार मेलामे जुटल युवाक इ भारी भीड़ एकर स्पष्ट प्रमाण अछि जे बिहारमे बेरोजगारी गंभीर समस्या अछि। जयपुर, दिल्लीक बाद रोजगार मेलाक माध्यमसॅं पात्र युवाकेँ रोजगारक अवसर देबय केर ई हमर एकटा आओर प्रयास छल।
