जिला भरिमे भारतीय जनता पार्टी द्वारा अंबेडकर चौक पर जोरदार विरोध प्रदर्शन कयल गेल। ई विरोध आओर धरना एकगोट कथित घटनाक विरोधमे कयल गेल, जाहिमे राजद सुप्रीमो लालू प्रसाद यादव द्वारा अपन जन्म दिनक अवसर पर डॉक्टर भीमराव अंबेडकरक चित्रक अपमान कयल गेल छल। भाजपा नेता आओर कार्यकर्ता सब एकरा राष्ट्रनायक बाबा साहेबक सम्मान पर सीधा आघात बतौलनि।
प्रदर्शनक दौरान भाजपा जिलाध्यक्ष साजन शर्माक नेतृत्वमे कार्यकर्ता सब लालू यादवक खिलाफ नारेबाजी कयलनि। संगहि मांग कयलनि कि ओ सार्वजनिक रूपसँ माफी मांगथि। डॉ. अंबेडकर मात्र दलित समाजक नहि अपितु सम्पूर्ण भारतक संविधान निर्माता छथि।हुनकर अपमान समूचा देशक अपमान अछि। एक तरफ राष्ट्रीय जनता दलक नेता द्वारा दलित सबहक बीच जा कऽ दलितक प्रति गलत प्रेम देखाओल जाइत अछि।दोसर तरफ दलितक मसीहाक अपमान हुनकर दोहरी मानसिकताकेँ प्रदर्शित करैत अछि।राष्ट्रीय जनता दल हरदम दलित बंधुकेँ अपमानित करबाक काज कयलनि।
कार्यक्रममे मुख्य रूपसँ महामंत्री मनोज यादव, जिला मंत्री पंकज पाठक, मीडिया प्रभारी सुमित कुमार सिन्हा, महिला मोर्चाक अध्यक्षा सुगामनी देवी, कुमार गौरव, नगर अध्यक्ष आशीष गुप्ता, संजय कुमार शाह अभिनव सिंह, छोटू प्रजापति, अखिलेश पांडे, सुशील कुमार, सुजीत कुमार, रोशन गांधी, संतोष गुप्ता सहित अन्यान्य लोक मौजूद छलथि।
