मिथिला क्षेत्रीय बिहारक मुजफ्फरपुरसँ बड़का खबर सामने आबि रहल अछि, बिहार एसटीएफ आ मुजफ्फरपुर पुलिस बड़का कार्रवाई कयलक अछि। एसटीएफक टीम एके-४७ असॉल्ट राइफलक सङ्ग ३ लोककेँ गिरफ्तार कयलक अछि। प्राप्त जानकारीक अनुसार मुजफ्फरपुर जंक्शनक बाहर अपराधीकेँ एके ४७ केर बट आ लेंसक संग पकड़ल गेल। अपराधीसभसँ कड़ाईसँ पूछताछक बाद फकुली क्षेत्रक मलकौनी रोड पर श्मशानक पुल लग एके-४७ बरामद कयल गेल। पुल लग एकटा आओर अपराधीकेँ बिना बटक एके-४७क सङ्ग गिरफ्तार कयल गेल। फिलहाल पुलिस मामिलाक जांचमे जुटल अछि।
जानकारीक अनुसार बिहार एसटीएफ आ जिला पुलिसक संयुक्त टीमक त्वरित कार्रवाईमे अपराधी विकास कुमार आ सत्यम कुमारकेँ मुजफ्फरपुर रेलवे स्टेशनक बाहरसँ प्रतिबंधित हथियार एके-४७ असॉल्ट राइफल बूट एवं लैंसक संग गिरफ्तार कयल गेल। एहि संबंधमे पुलिस सख्तीसँ पूछताछ कयलक आ दुनू अपराध कर्मीक बयानक आधार पर जिलाक फकुली थाना क्षेत्रमे छापा मारल गेल। एहि क्रममे देवमणि रायकेँ मालकोनी रोड पर श्मशान घाटक पुल लग बिना बटक एके ४७ राइफलक संग गिरफ्तार कयल गेल।
मुजफ्फरपुर पुलिसक अनुसार, तीनू अपराधी उक्त मामिलामे अपन संलिप्तता स्वीकार कऽ लेने छथि। एहि गिरोहक सदस्य द्वारा अवैध हथियार कीनल आ बेचल जाइत अछि। पुलिस अपराध कर्मीसँ एकटा प्रतिबंधित हथियार एकटा एके ४७, पाँचटा कारतूस आ तीनटा मोबाइल फोन बरामद कयलक अछि आ पुलिस कारवाई शुरू कऽ देलक अछि।
