बिहारक मंत्री रत्नेश सदा सड़क दुर्घटनामे घायल, चारि सुरक्षा गार्ड सेहो घयल

सहरसा
*

बिहारक मंत्री रत्नेश सदा बुधदिन एकटा सड़क दुर्घटनामे घायल भऽ गेलाह। हुनका तत्काल एकटा स्थानीय अस्पतालमे भर्ती कराओल गेल जतय हुनक स्थिति खतरासँ बाहर बतायल गेल छल। प्राथमिक उपचारक बाद सभकेँ अस्पतालसँ छुट्टी दऽ देल गेल। एहि घटनामे हुनक चारिटा सुरक्षा गार्ड सेहो घायल भऽ गेलाह। ई घटना तखनि भेल जखनि ओ भोरमे टहलबा लेल निकलल छलाह।

जानकारीक अनुसार जदयू कोटा मंत्री रत्नेश सदा सहरसा जिलाक महिषी थाना क्षेत्रक बलिया सिमर गाममे छलाह। भोरमे टहलय काल एकटा तेज रफ्तारक ऑटो मंत्री आ हुनक गार्डकेँ टक्कर मारि देलक। हुनका इलाजक लेल तुरन्त अस्पताल लऽ जायल गेलनि, जतय प्राथमिक उपचारक बाद हुनका अस्पतालसँ छुट्टी दऽ देल गेलनि।

सड़क दुर्घटनाक संबंधमे मंत्री रत्नेश सदा संवाददाता सभकेँ कहलनि जे हुनका बेसी चोट नहि लागल अछि। किछु खास नहि अछि। ओ कहलनि जे ओ स्वस्थ छथि। ओ नव वर्षसँ पहिने मंगल, ३१ दिसम्बरक राति अपन गाम आयल छलाह। रत्नेश सदा बिहार सरकारमे जेडीयू कोटासँ मंत्री छथि। वर्तमानमे ओ मद्य निषेध विभागक प्रभारी छथि।

एकटा अधिकारी बतौलनि जे माथमे मामूली चोट आ दहिना टांगमे चोट लागल अछि आ मंत्रीकेँ अस्पतालसँ छुट्टी दऽ देल गेल अछि। अस्पतालमे भर्ती राखयवाला कोनो तेहेन स्थिति नहि छल।