राजभवनक प्रधान सचिव रॉबर्ट एल. चोंगथू एहि सम्बन्धमे अधिसूचना जारी कयलनि अछि। कहल गेल अछि जे एहि सब कुलपतिक कार्यकाल तीन साल होयत।
बिहारक राज्यपाल आरिफ मोहम्मद खान चारिटा विश्वविद्यालयमे नव कुलपतिक नियुक्ति कयलनि अछि। एहिमे पूर्णिया, मुंगेर, नालन्दा खुला विश्वविद्यालय आ बिहार पशु विज्ञान विश्वविद्यालय सम्मिलित अछि। बृहस्पतिक भोरमे मुख्यमंत्री नीतीश कुमार राज्यपालसँ भेंट कयलथि। मानल जा रहल अछि जे ई निर्णय राज्यपाल मुख्यमंत्रीक परामर्शसँ लेलनि।
इन्द्रजीत सिंहकेँ बिहार पशु विज्ञान विश्वविद्यालयक कुलपति नियुक्त कयल गेल अछि। एकर अतिरिक्त संजय कुमारकेँ मुंगेर विश्वविद्यालयक कुलपति बनाओल गेल अछि। रविन्द्र कुमारकेँ नालन्दा खुला विश्वविद्यालयक कुलपति नियुक्त कयल गेल अछि। विवेकानन्द सिंहकेँ पूर्णिया विश्वविद्यालयक कुलपति नियुक्त कयल गेल अछि। राजभवनक प्रधान सचिव रॉबर्ट एल. चोंगथू एहि सम्बन्धमे अधिसूचना जारी कयलनि अछि। कहल गेल अछि जे एहि सब कुलपतिक कार्यकाल तीन सालक होयत। नव कुलपतिमे संजय कुमार नालन्दा खुला विश्वविद्यालयमे प्रो-वीसी छलाह। विवेकानन्द सिंह एनआईटीमे प्रो वीसी छलाह। प्रो. रविन्द्र कुमार बीआरए बिहार विश्वविद्यालय, मुजफ्फरपुरमे प्रो-वीसी रहि चुकल छथि आ वर्तमानमे पटना विश्वविद्यालयक दर्शनशास्त्र विभागक अध्यक्ष छलाह।
आरिफ मोहम्मद खान २ जनवरीकेँ बिहारक ४२म राज्यपालक रूपमे शपथ लेलनि। राज्यपाल बनलाक बाद पहिल बेर मुख्यमंत्री नीतीश कुमार 09 जनवरीकेँ हुनकासँ भेंट करबाक लेल अयलाह। लगभग 11 बजे नीतीश कुमार भेंट करय लेल गेलाह। एहि तरहेँ एहि अचानक भोरे भोर भेंटक कारण पहिने नहि पता चलल। मानल जाइत छल जे ई एकटा औपचारिक बैसार होएत।
