मंत्री बिजेन्द्र यादव दावा कयलनि जे राज्यमे उपभोक्ताकेँ भारी रियायती दरपर बिजली देल जा रहल अछि। राज्यमे लगभग ५० लाख स्मार्ट मीटर लगाओल गेल अछि।
बिहार सरकार पहिनेसँ राज्यक उपभोक्ता सभकेँ बिजली पर भारी रियायत दऽ चुकल अछि आ कहलक जे ओ मुफ्तमे बिजली नहिं देत।
बृहस्पति दिन बिहारक ऊर्जा मंत्री बिजेन्द्र प्रसाद यादव प्रेस कॉन्फ्रेंसक दौरान ई बयान देलनि। ओ इहो कहलनि जे अगिला साल (२०२५) धरि पूरा राज्यमे ‘प्रीपेड स्मार्ट मीटर’ लगयबाक काज पूरा भऽ जायत।
मंत्री बिजेन्द्र यादव दावा कयलनि जे राज्यमे उपभोक्ताकेँ भारी रियायती दरपर बिजली देल जा रहल अछि। राज्य सरकार बिहारमे बिजली उपभोक्ताकेँ सब्सिडी देबा लेल २०२३-२४ मे १३,११४ करोड़ टाका स्वीकृत कयलक अछि, जे आब चालू वित्तीय वर्ष (२०२४-२५) मे १५,३४३ करोड़ रुपया भऽ गेल अछि। वास्तवमे पत्रकार सवाल उठौने छलाह जे जँ राजद आ कांग्रेस सत्तामे आबैत अछि, तऽ कहलक अछि जे ओ २०० युनिट बिजली मुफ्त देत, एही पर मंत्री इ बात कहलनि। राज्यमे लगाओल जा रहल स्मार्ट प्रीपेड बिजली मीटरक बारेमे मंत्री कहलनि, “राज्यमे लगभग ५० लाख स्मार्ट प्रीपेड बिजली मीटर पहिनहिं लगाओल जा चुकल अछि। स्मार्ट प्रीपेड बिजली मीटरक विरुद्ध अक्टूबरमे राजदक प्रस्तावित आन्दोलनक उल्लेख करैत ओ कहलनि जे राज्यभरिमे स्मार्ट बिजलीक मीटर लगयबाक प्रक्रिया २०२५ धरि पूरा भऽ जायत। पूरा राज्यमे स्मार्ट प्रीपेड बिजली मीटर लगयबाक प्रक्रिया २०२५ धरि पूरा भऽ जायत।
बुधदिन राष्ट्रीय जनता दल (राजद) घोषणा कयलक जे ओ राज्यमे स्मार्ट प्रीपेड बिजली मीटर लगयबाक विरोधमे १ अक्टूबरकेँ राज्यव्यापी विरोध प्रदर्शन करत। राजद कार्यकर्ता १ अक्टूबरकेँ राज्यभरिक ब्लॉक कार्यालयक बाहर विरोध प्रदर्शन करत।
एम्हर कांग्रेस पूरा राज्यमे स्मार्ट मीटरक विरुद्ध जन आन्दोलन शुरू करबाक घोषणा सेहो कयलक अछि। बिहार कांग्रेस प्रभारी मोहन प्रकाश एतय एकटा संवाददाता सम्मेलन मे आरोप लगओलनि जे बिहारमे स्मार्ट बिजली मीटर योजना प्रधानमंत्री नरेंद्र मोदी आ मुख्यमंत्री नीतीश कुमार द्वारा संचालित संयुक्त ‘महालूट’ योजना अछि। जनता पर भारी अत्याचार अछि। कांग्रेस कहियो बर्दाश्त नहिं करत। कांग्रेस पार्टी बिहार सरकारक एहि स्मार्ट बिजली मीटर योजनाक विरोध करैत एकरा तत्काल रोकबाक अपील करैत अछि।
