केन्द्रीय मंत्री प्रहलाद जोशी एहि भेंटमे आश्वासन देलनि जे बिहारकेँ आवश्यक सहायता देल जायत। संगहि राज्यक खाद्य मंत्री लेसी सिंह सेहो केन्द्रीय मंत्रीकेँ बिहार अयबाक लेल आमंत्रित कयलनि।
बिहारक खाद्य मंत्री लेसी सिंह बृहस्पति दिन नई दिल्लीमे केन्द्रीय मंत्री प्रहलाद जोशीसँ भेंट कयलनि। भारतक एहि बैसारमे मंत्री लेसी सिंह बिहारसँ जुड़ल किछु महत्वपूर्ण मुद्दा पर चर्चा कयलनि।
एहि बैसारमे भारत सरकार द्वारा आगामी खरीफ मार्केटिंग सीजन, २०२४-२५ लेल निर्धारित धान खरीद लक्ष्यकेँ राज्यक आग्रह पर ४४ लाख मीट्रिक टन तक फेरसँ निर्धारित करबाक सहमति भेल। लेसी सिंहक आग्रह पर विकेन्द्रीकृत खरीदक अन्तर्गत राज्य द्वारा कयल गेल काजसँ संबंधित, विभिन्न कारण सभसँ लंबित राशिक भूगतान करय लेल केंद्रीय मंत्री विभागीय अधिकारी केर निर्देश सेहो देलनि।
केन्द्रीय मंत्री आ भारत सरकारक अधिकारी बिहार राज्य द्वारा कयल जा रहल आपूर्ति श्रृंखला प्रबंधनक तहत पिछला २-३ सालमे आधार बेस्ड ई-पाॅस प्रमाणीकरण, इंड-टू-इंड कम्प्यूटरीकरण आ नव तकनीकक कुशल प्रबंधनक संग पारदर्शी तरीकासँ खाद्यान्न वितरणमे देशमे अग्रणी रहय लेल बिहार सरकारक सराहना कयल गेल।
केंद्रीय मंत्री भारत सरकारक निर्देशक अनुपालनमे राशन कार्डसँ संबंधित ई-केवाईसी करब, डुप्लिकेट डाटा रद्द करब, आधार सीडिंगक लेल देशभरिमे बिहार राज्यक उत्कृष्ट कार्यक सराहना सेहो कयलथि। लेसी सिंह केंद्रीय मंत्रीकेँ बिहार आबय लेल सेहो आमंत्रित कयलनि।
