आइ शुक्रकेँ पटनामे साँझ 7 बजे महागठबंधनक दिसिसँ कैंडल मार्च अछि। पटनामे कांग्रेस कार्यालयमे बृहस्पति दिन महागठबंधनक पैघ बैसार भेल, जाहिमे सभ 6 दलक नेता उपस्थित रहथि।
आरजेडीसँ तेजस्वी यादव, भीआईपी प्रमुख मुकेश सहनी, बिहार कांग्रेस अध्यक्ष राजेश राम, कांग्रेस प्रभारी कृष्णा अल्लावरु, कांग्रेस विधानमंडल दलक नेता शकील खान, सीपीआईएमएल, सीपीआई, सीपीएमक नेता सभ सेहो शामिल रहथि। दू घण्टा धरि चलल एहि बैसारमे बिहार चुनावक संबंधमे चर्चा भेल। कश्मीरमे भेल आतंकी हमलाकेँ लए बैसारमे शोक व्यक्त कएल गेल।
बैसारक बाद प्रेस कॉन्फ्रेंस करैत समय तेजस्वी यादव कहलनि जे आइ कांग्रेस कार्यालयमे बैठक भेल। आगू अन्य सहयोगी दलक कार्यालयमे बैठक होयत। कश्मीरमे भेल आतंकी हमला पर बैसारमे शोक व्यक्त कएल गेल। शुक्रदिन पटनामे साँझ 7 बजे महागठबंधन द्वारा कैंडल मार्च होयत। 4 मईकेँ महागठबंधनक पुनः बैसार होयत। एहि बैसारमे महागठबंधनकेँ सभ विधायक, एमएलसी आ विभिन्न दलक जिला अध्यक्ष रहत।
जम्मू कश्मीरमे भेल आतंकी हमला पर तेजस्वी कहला कि पर्यटकक सुरक्षाक तंत्र कियैक नहि उपलब्ध कएल गेल ? ओ उच्च सुरक्षा क्षेत्र अछि। एखनि धरि बहुत रास आतंकी घटना भेल अछि। बहुत रास लोकक जान गेल अछि। एहि लापरवाहीक जिम्मेदारी के लैत ? हम पूछय चाहैत छी। पुलवामा घटनाक जांचक आखिर की भेल ? हर एक नागरिक जानय चाहैत अछि जे ओकर दोषी के अछि। जम्मू कश्मीरमे आतंकवादी द्वारा समय-समय पर हत्या कएल गेल। बिहारसँ पलायन करैत जम्मू कश्मीर मजदुरी करय लेल गेल बिहारी भाइकेँ सेहो हत्या भेल। एहि सभक जिम्मेदारी के लैत ? केंद्र सरकारकेँ एकर जवाब देबय केर चाही ?
