बिहारक उप मुख्यमंत्री सम्राट चौधरी अंततः २२ मासक बाद अपन पगड़ी उतारि देलनि। सम्राट चौधरी रामलला नगर अयोध्यामे माथ पर चढ़ल संकल्पक पगड़ी उतारि लेलनि। बुध, ३ जुलाईक भोरमे ओ सरयू नदीमे डुबकी लगओलनि आ एहि तट पर मुण्डन कयलनि। सम्राट चौधरी मंगल दिन पटनासँ अयोध्या धामक लेल निकलल छलाह। एहि दौरान ओ कहलनि जे जंगलराज आ अराजकतावादीसभकेँ सत्तासँ हटयबाक संकल्प लैत ओ माथ पर पगड़ी बान्हने छलाह।
सरयू नदी पहुँचि उप मुख्यमंत्री सम्राट चौधरी पहिने डुबकी लगओलनि आ मुंडन कयलनि। एहि दौरान उपमुख्यमंत्री कहलनि जे ओ सरयू नदीमे डुबकी लगेलाह। पिछला २२ मासक ओ ई पगड़ी भगवान रामकेँ समर्पित कऽ रहल छथि। एहि दौरान ओतय उपस्थित हुनक समर्थक जय श्री रामक नारा लगओलनि।
सम्राट चौधरी सरयूक तटसँ रामललाक दरबार तक पदयात्रा कयलनि, उप मुख्यमंत्री कहलनि कि पहिने ओ शपथ लेने छलाह जे जाबत तक बिहारक मुख्यमंत्री नीतीश कुमारकेँ पदसँ नहि हटायब ताबत धरि अपन पगड़ी नहिं उतारब।
ओ कहलनि जे २८ जनवरीकेँ नीतीश कुमार इंडिया गठबन्धनसँ सम्बन्ध तोड़ि राजगमे शामिल भऽ गेलाह। “जखन नीतीश कुमार एक संग आयल छलाह तखन ओ कहने छलाह जे ओ अपन पगड़ी अयोध्यामे भगवान रामकेँ समर्पित करब।
ओ कहलनि जे बिहारक जनता ७५ प्रतिशतसँ बेसी सीटपर एनडीएकेँ जीत देलक अछि। एहन स्थितिमे इंडिया गठबंधनकेँ कोनो भ्रममे नहिं हेबाक चाही। चौधरी कहलनि जे अगिला बेर बिहारमे चुनावमे एकजुट भऽ चुनाव लड़ल जायत आ एनडीए राज्यक सभ ४० सीट जीतत। विधानसभा चुनावमे एनडीए बिहारक २४३ मे सँ २०० सँ बेसी सीट जीतत।
