बिहार फाउंडेशन केर तत्वावधानमे नवी मुम्बई स्थित वंट्स ऑडिटोरियममे ११३म बिहार स्थापना दिवस धूमधामसँ आयोजित भेल। एहि अवसर पर बिहार सरकारक राजस्व मंत्री संजय सरावगी समेत पनवेल विधानसभाक ऊर्जावान विधायक प्रशांत ठाकुर, बेलापुर विधानसभाक विधायक मन्दा ताई म्हात्रे समेत अनेकों प्रशासनिक क्षेत्रमे कार्यरत अधिकारी उपस्थित भेलाह। हिनका सभकेँ पारंपरिक अंग-वस्त्र आदि द्वारा सम्मानित कयल गेल।
जनतब जे आयोजनकेँ सफल बनेबाक लेल नवी मुम्बई मैथिल ट्रस्टक नेतृत्वमे अन्य सामाजिक संगठन अपन कार्यकर्ताक संग समर्पित भऽ बहुमूल्य योगदान देलनि। फलत: बिहार सरकारक राजस्व मंत्री संजय सरावगी नवी मुम्बई मैथिल ट्रस्ट केर कार्यवाहक सचिव मुरारी ठाकुरकेँ प्रशस्ति-पत्र तथा अंग-वस्त्रम द्वारा सम्मानित कयलनि।
एहि अवसर पर भव्य सांस्कृतिक कार्यक्रमक प्रस्तुतिकरण प्रिया मल्लिक, रश्मि प्रिया झा, प्रिया झा, किशन कुमार, संजीव कुमार एवम् हीरा हमराही द्वारा भेल। मुरारी ठाकुर, राजन झा, प्रह्लाद महासेठ, विकास सिंह, राजेश श्रीवास्तव, विशाल आनंद, शिवानंद मिश्र, बालगोविन्द मिश्र, संतोष सिंह समेत अन्य कार्यकर्ता समारोहकें सफल बनेबामे अपन बहुमूल्य योगदान देलनि।
