बिहारमे राशन कार्ड धारकक दिक्कतक बढ़ि गेल अछि। केवाईसीक समय सीमा समाप्त भेलाक बाद आब बिहारक 1.5 करोड़सँ बेसी उपभोक्ताक राशन कार्ड रद्द भs सकैत अछि। जानकारीक अनुसार 31 मार्च धरि एक करोड़सँ बेसी कार्ड धारक अपन ई-केवाईसी प्रक्रिया पूरा नहि कएलनि अछि। खाद्य आ उपभोक्ता संरक्षण विभाग एकटा नोटिस जारी कs कहने अछि जे 31 मार्च धरि जे नहि कयलथि, ओ लोकनि आब राशन कार्ड सेवाक लाभ नहि उठा सकत।
ई डेग राष्ट्रीय खाद्य सुरक्षा अधिनियमक आवश्यकताक हिस्सा अछि। समय सीमा बढ़ेबाक संबंधमे विभाग स्पष्ट रूप स कहलक जे समय सीमा कतेको बेर बढ़ा देल गेल अछि, तइयो बहुत लोक अपन आधार नहि जोड़लथि आ ने ई-केवाईसी पूरा केलथि। आब आओर कोनो विस्तार नहि देल जाएत. 1 अप्रैल कs राशन कार्ड आधार सs नहि जुड़ल नाम हटा देल जाएत। शुरूमे राशनक दोकान पर पीओएस मशीनक माध्यमसँ केवाईसीक सुविधा भेटैत छल, मुदा किछु समस्याक कारण फेशियल ई-केवाईसीक सुविधा सेहो शुरू करय पड़ल। एहि प्रयासक बावजूद डेढ़ करोड़सँ बेसी कार्डधारक अपन ई-केवाईसी पूरा नहि कयलथि। सरकारक कहब अछि जे राशन कार्डक सुविधाके पूरा लाभ उठाबय लेल पात्र व्यक्तिक ई प्रक्रिया पूरा करय पड़त। अइमे विफलताके परिणामस्वरूप इ लाभ नहि भेटत ।
विभाग स्पष्ट कएने अछि जे सरकारक उद्देश्य ई सुनिश्चित करब अछि जे सभ पात्र व्यक्तिकेँ हुनक राशन कार्डसँ पूरा लाभ भेटत। हालाँकि, ई लक्ष्य हासिल करबाक लेल ई-केवाईसी प्रक्रिया पूरा करब एकटा आवश्यक कदम बनि गेल अछि। ई कदम राष्ट्रीय खाद्य सुरक्षा अधिनियमक तहत लाभ प्राप्त करबाक लेल राशन कार्डकेँ आधारसँ जोड़बाक महत्वकेँ रेखांकित करैत अछि। कार्डधारकसँ आग्रह कएल जाएत रहल जे ओ सभ सेवामे कोनो व्यवधानसँ बचबाक लेल अपन ई-केवाईसी तुरन्त पूरा कऽ लिअ, मुदा लोक विभागक अनुरोधकेँ बारम्बार नजरअंदाज कयलनि।
