बिहार बोर्ड इंटरमीडिएट परीक्षा 2025 केर नतीजा मंगलकेँ ११ बजे घोषित कयल गेल। एहिमे एक बेर फेर बेटी बाजी मारलनि। एहि बेर तीनू स्ट्रीम आर्ट्स, कॉमर्स आ साइंसमे छात्रा शीर्ष स्थान प्राप्त कए अपन प्रदर्शनक लोहा मानौलनि।
आर्ट्स स्ट्रीममे अंकिता कुमारी आ शाकिब शाह, साइंस स्ट्रीममे प्रिया जायसवाल आ कॉमर्स स्ट्रीममे रोशनी कुमारी टॉप कयलनि। रिजल्टमे 86.56 प्रतिशत छात्र-छात्रा सफल भेल छथि। एहि वर्ष आर्ट्स, कॉमर्स आ साइंस तीनू स्ट्रीमक परिणाम एक संग जारी कयल गेल अछि।
आर्ट्स स्ट्रीममे अंकिता कुमारी (वैशाली) आ शाकिब शाह (बक्सर) संयुक्त रूप’सँ टॉप कएलनि। दुनू 500 मे सँ 473 अंक प्राप्त कय 94.6 प्रतिशत स्कोर प्राप्त कएलनि। दोसर स्थान पर अनुष्का कुमारी (मुजफ्फरपुर) आ रोकैया फातिमा (बेगूसराय), जिनका 500 मे सँ 471 अंक (94.2 प्रतिशत) प्राप्त भेल। तेसर स्थान पर आरती कुमारी (सारण), सानिया कुमारी (सोनपुर) आ अंकित कुमार (गया) 500 मे सँ 470 अंक (94 प्रतिशत) हासिल कएलनि। चारिम स्थान पर अंशु रानी (पटना) 500 मे सँ 469 अंक (93.8 प्रतिशत) प्राप्त कएलनि। पाँचम स्थान पर चंद्रमणि लाल (मुजफ्फरपुर), ऋषु कुमार (सहरसा), संजना कुमारी (मुजफ्फरपुर), तनु कुमारी (पूर्वी चंपारण) आ अर्चना मिश्रा (गया) 500 मे सँ 468 अंक (93.6 प्रतिशत) प्राप्त कए अपन स्थान बनौलनि।
कॉमर्स स्ट्रीममे सेहो छात्रा सभ बढ़त बनौलनि। पहिल स्थान पर रौशनी कुमारी (वैशाली) रहलीह, जे 500 मे सँ 475 अंक प्राप्त कएलनि आ 95 प्रतिशत स्कोर कयलनि। दोसर स्थान पर अंतरा खुशी (औरंगाबाद) 500 मे सँ 473 अंक (94.6 प्रतिशत) प्राप्त कएल। तेसर स्थान पर सृष्टि कुमारी (मधुबनी) आ निशांत राज 500 मे सँ 471 अंक (94.2 प्रतिशत) प्राप्त कएलनि। चारिम स्थान पर निधि शर्मा (अररिया) आ अदिति सोनकर (रोहतास) 500 मे सँ 470 अंक (94 प्रतिशत) प्राप्त कएलनि। पाँचम स्थान पर अंशु कुमारी (भोजपुर) 500 मे सँ 469 अंक (93.8 प्रतिशत) प्राप्त कएलनि।
साइंस स्ट्रीममे प्रिया जायसवाल(पश्चिम चंपारण) 500 मे सँ 484 अंक प्राप्त क’ 96.8 प्रतिशत स्कोर संग प्रथम स्थान प्राप्त कएलनि। दोसर स्थान पर आकाश कुमार (अरवल) रहलनि, जिनका 500 मे सँ 480 अंक (96 प्रतिशत) प्राप्त भेल। तेसर स्थान पर रवि कुमार (पटना) 500 मे सँ 478 अंक (95.6 प्रतिशत) हासिल कएलनि। चारिम स्थान पर अनुप्रिया (जमुई) आ प्रशांत कुमार (वैशाली) 500 मे सँ 477 अंक (95.4 प्रतिशत) प्राप्त कएलनि। पाँचम स्थान पर अतुल कुमार मौर्य (कैमूर), अंकित कुमार (बेगूसराय) आ वर्षा रानी 500 मे सँ 476 अंक (95.2 प्रतिशत) प्राप्त कयलनि।
जनतब जे काल्हि जारी भेल एही परीक्षा परिणाममे पांच लाखसँ बेसी विद्यार्थी प्रथम डिवीज़नसँ उत्तीर्ण भेल। कुल उत्तीर्ण भेल विद्यार्थीक प्रतिशत 86.50 रहल। जँ संकाय वाइज बात करि त विज्ञान संकायसँ – 89.59 , वाणिज्य संकायसँ – 94.77 आ कला संकायसँ – 82.75 प्रतिशत रिजल्ट रहल।
