विधानसभा सचिवालय 2019 मे मारिपीट आ डकैतीक मामिलामे दोषी ठहराओल जयबाक बाद मिश्री लाल’क सदस्यता रद्द कय देल अछि। ई कार्यवाही चुनावसँ पहिने भाजपा लेल एकटा पैघ झटका मानल जा रहल अछी।
जनतब जे पार्टी विधायक मिश्री लालक विधानसभा सदस्यता समाप्त कय देल गेल अछि। विधानसभा सचिवालय 2019 मे हमला आ डकैती केर मामिलामे दोषी ठहराओल जयबाक बाद अधिसूचना जारी कयलक। मिश्री लाल 2020 मे वीआईपीसँ विधायक बनलाह।
दारभंगा केर केवटी ब्लॉकक अधीन सामिल गामक मामिला अछि, जतय उमेश मिश्रा, 30 जनवरी 2019 केँ एक एफआईआर दर्ज करबेलनि। एफआईआर केर अनुसार, जखनि उमेश मिश्रा 29 जनवरी 2019 केँ भोरमे पैदल चलि रहल छलथि तखनि कदम चौक पर मिश्री लाल यादव, सुरेश यादव आ लगभग 20-25 लोक हुनका घेरि गारि-गलौज करय लागल आ विरोध कयला पर मिश्री लाल यादव माथ पर चाकूसँ हमला कयलक, जाहिसँ गंभीर चोट लागल एकर संग सुरेश यादव रॉड आ छड़ीसँ मारलक आ उमेश मिश्राक जेबीसँ 2300 रुपया निकालि लेलक।
एहि मामिलामे कोर्ट 27 मईकेँ मिश्री लालकेँ दू सालक सजा सुनेलक। जकरा बाद विधानसभा सचिवालय ई कार्यवाही कयलक। 2020 केर विधानसभा चुनाव मिश्री लाल यादव एनडीए केर सहयोगी वीआईपी केर टिकट पर विधायक चुनल गेल छल। बादमे मिश्री लाल अपन पाला बदलि कय वीआईपीसँ भाजपामे शामिल भऽ गेलाह।
