मौसम बिहारक 12 जिलामे कुहेसक चेतौनी, 6 फरवरीसँ फेर बढ़त जाड़ February 2, 2025 Maithil Punarjagran Prakash पटना समदिया * बिहारमे ६ फरवरीसँ फेरसँ ठंढ बढ़बाक सम्भावना अछि। ई पहाड़ी क्षेत्रमे बर्फबारीक कारण अछि, जाहिसँ राज्यक उत्तरी क्षेत्रसँ ठंढा बसात आबि जायत, जाहिसँ तापमानमे गिरावट आबि जायत। बिहारमे कुहेसक पीड़ा जारी अछि। मौसम विभाग काल्हि शनिदिन फेरसँ घना कुहेसक लेल येलो अलर्ट जारी कयलक। राज्यक जाहि १२ जिलामे कुहेसक चेतावनी जारी कयल गेल अछि ओहिमे मधुबनी, सुपौल, किशनगंज, अररिया, मधेपुरा, कटिहार, पूर्णिया, पूर्वी चम्पारण, सहरसा, शिवहर, सहरसा आ पश्चिम चम्पारण सम्मिलित अछि। एम्हर २६ जिलामे मौसम शुष्क रहत। एकर अतिरिक्त, अधिकांश क्षेत्रमे तापमान १० सँ १४ डिग्री सेल्सियसक बीच रहि सकैत अछि। मौसम विभागक अनुसार, ६ फरवरीसँ न्यूनतम तापमानमे फेरसँ गिरावटक सम्भावना अछि, जाहिसँ ठंढ बढ़ि जायत। पश्चिमी विक्षोभक प्रभाव आइ १ फरवरीसँ ३ फरवरी धरि देखबाक आशा अछि। १ फरवरीकेँ पश्चिमी विक्षोभ बेसी शक्तिशाली नहि होयत, मुदा ३ फरवरीकेँ होबयवला विक्षोभ मजगूत होयबाक आशा अछि। एकर परिणामस्वरूप पहाड़ी क्षेत्रमे बर्फबारी होयबाक सम्भावना अछि, जखन कि मैदानी क्षेत्रमे बरखा भऽ सकैत अछि। एकर असर बिहार मे सेहो देखबामे आबि रहल अछि। उत्तरी बिहार मे ठंढा हवा चलत। एतय तापमानमे गिरावटसँ कोल्ड-डे केर स्थिति भऽ सकैत अछि। औरंगाबाद जिला पछिला २४ घंटामे सबसँ ठंडा रहल। न्यूनतम तापमान ६.७ डिग्री सेल्सियस दर्ज कयल गेल। एकर अतिरिक्त, जमुईमे न्यूनतम तापमान ६.९, बांका ९.८, आ किशनगंजमे १०.०० डिग्री सेल्सियस दर्ज कयल गेल। प्रदूषणकमे नालन्दा जिलामे शुक्रदिन वायुक गुणवत्ता सबसँ खराब छल, जकर एक्यूआई २९५ छल। हाजीपुरमे एक्यूआई २६३ दर्ज कयल गेल। Spread the love
