भूटानक राजा देशक पहिल अंतर्राष्ट्रीय मल्टीमॉडल लॉजिस्टिक्स पार्कक कयलनि निरीक्षण
असम समदिया
*
भूटानक राजा जिग्मे खेसर नामग्याल वांगचुक भारतक पहिल अंतर्राष्ट्रीय मल्टीमॉडल लॉजिस्टिक्स पार्क (एमएमएलपी) केल निरीक्षण लेल रविकेँ बंगाईगांव जिलाक जोगीधोपा पहुँचलाह। ओ शाही हेलीकॉप्टरसँ पहुंचलाह आ एमएमएलपी केल भीतर उतरलाह जतय जन स्वास्थ्य अभियांत्रिकी मंत्री जयंत मल्ल बरुवा हुनक गर्मजोशीसँ स्वागत कयलनि।
सोशल मीडिया प्लेटफॉर्म ‘एक्स’ पर जारी पोस्टमे ई जानकारी दैत मंत्री जयंत मल्ल बरुवा लिखलैन जे मुख्यमंत्री डॉ. हिमंत विश्व शर्माक निर्देशक अनुसार हुनका भूटानक राजा जिग्मे खेसर नामग्याल वांगचुकक असममे स्वागत करबाक सौभाग्य भेटल जे भारतक पहिल अंतर्राष्ट्रीय मल्टीमॉडल लॉजिस्टिक्स पार्क (एमएमएलपी) केर निरीक्षण करय लेल पहुँचल छलथि। ई परियोजना निर्माणक अंतिम चरणमे पहुँचि गेल अछि ।
मंत्री बरुवा कहला जे एमएमएलपी केल अलावा राजा ब्रह्मपुत्र नदी पर निर्माण भऽ रहल अंतर्देशीय जल परिवहन (आईडब्ल्यूटी) केर दौरा सेहो कयलथि। बरुआ कहला जे ओ महामहिम केर असमक प्रति स्नेहसँ सचमुच अभिभूत छथि आ राज्यक ई अद्भुत यात्रा लेल हुनका प्रति हार्दिक आभार व्यक्त करैत छथि।
मंत्री कहला जे राष्ट्रीय राजमार्ग आ बुनियादी ढांचा विकास निगम लिमिटेड (एनएचआईडीसीएल) द्वारा निर्मित एहि पार्क केर पूरा भेला पर सड़क, रेल, हवाई आ जलमार्गकेँ निर्बाध रूपसँ एकीकृत करत। मंत्री कहलनि जे ब्रह्मपुत्रक तट पर 317 एकड़मे पसरल ई परियोजना भूटान आ बांग्लादेश पड़ोसी देशक संग व्यापारमे सुविधा प्रदान करबाक राज्य लेल अपार आर्थिक संभावना खोलत।
ओ आशा व्यक्त कयलनि कि भूटानक दूरदर्शी शहरी विकास पहल गेलेफू माइंडफुलनेस सिटीक सामरिक निकटता निःशंदेह एमएमएलपी केर सफलतामे योगदान देत।
