मुंबई एवं उपमहानगरमे रहनिहार मैथिल कवि एवं रचनाकारक समूह, द्वारा मुंबईमे एकटा निश्चित समयांतराल पर साहित्यिक बैसारक आयोजन कएल जाइत अछि। एहि क्रममे, एहि समूह द्वारा विगत रविदिन दिनांक 28 अक्टूबर 2024 केँ, आदित्य हाई स्कुल, फुलपाड़ा, विरार पूर्व (मुम्बईउपनगर) मे तेरहम मैथिली काव्य गोष्ठी एवं साहित्यिक बैसारक आयोजन हर्षपूर्ण वातावरणमे संपन्न भेल। आयोजनकर्ता धनंजय झा एवं भगवत प्रचार समितिक हुनक सहयोगी द्वारा ई कार्यक्रम सफलतापूर्वक संपन्न भेल।
एहि साहित्यिक बैसारक अध्यक्षता प्रसिद्ध रचनाकार विनोद कुमार झा (सरकार) कएलनि एवं समीक्षकक रूपमे प्रसिद्ध शिक्षाविद डॉ ममता झा उपस्थित छलथि, जे नवोदित रचनाकार लोकनिक मार्गदर्शन करैत देखल गेलीह। मंच सञ्चालन धर्मेंद्र कुमार झा द्वारा कएल गेल। एहि साहित्यिक बैसारमे, नव आ पुरान, हर रचनाकार अप्पन नव रचनाक संग उपस्थित छलथि।
कार्यक्रममे सहभागी कवि एवं रचनाकारमे, संतोष खां, शारदा खां, प्रभु मिश्र, दीपक झा, विनोद कुमार झा (सरकार) धर्मेंद्र कुमार झा, धनञ्जय झा, मनोरमा झा, ममता झा, पत्रकार के के झा, शशि कुमार झा, मधुर मैथिली फेम विकास झा संगहि आनो आन रचनाकार प्रमुख छलथि। अध्यक्षीय संबोधनक उपरांत, धन्यवाद ज्ञापन आयोजक धनञ्जय झा द्वारा कएल गेल।
