मिथिलाक्षर साक्षरता अभियान ०९ अक्टूबर २०२५ केँ अपन स्थापनाक ११ वर्ष पूरा कय बारहम वर्षमे प्रवेश करय जा रहल अछि। एहि उपलक्ष्यमे प्रिमियर गीतक रुपमे अभियान ‘मिथिलाक्षर साक्षरता अभियान गीत’ जारी कयलक अछि। एहि गीतक रचना आ स्वर देने छथि प्रसिद्ध लोक गायिका सोनी चौधरी -:
‘मातृलिपि हित करय निरंतर ध्यान
खखरीसँ बीछि रहल नित धान।
पुनरोदय करा राखल मिथिलाक मान
मिथिलाक्षर साक्षरता अभियान।।’
दस करोड़सँ बेसी मिथिलावासी आ प्रवासी मैथिल लोकनिक बीच धरोहरि मातृलिपि मिथिलाक्षरक संरक्षण, संवर्धन ओ साक्षरता दर वृद्धि लेल अपन कोकिल स्वरमे अलख जगयबाक सराहनीय आ अनुकरणीय प्रयास करबा लेल मिथिलाक्षरमे प्रवीण, कोकिल स्वरक धनी सोनी चौधरीकेँ ‘मिथिलाक्षर साक्षरता अभियान’ धन्यवादक संग हार्दिक अभिनन्दन ज्ञापित करैत अछि।
