छठि आ दिवाली लेल रेलवे द्वारा जारी विशेष ट्रेनक सूचीमे लगभग १६६ ट्रेन अछि। छठि आ दिवाली पर भीड़केँ देखैत ई निर्णय लेल गेल अछि।
छठि आ दिवाली पर बिहार आबय वाला यात्रीक सुविधाक ध्यान राखल जा रहल अछि। बहुत रास विशेष ट्रेन चलाओल जा रहल अछि। ओना, सीटक लेल लड़ाई जारी अछि। एम्हर कतेको आओर ट्रेनक सूची जारी कयल गेल अछि। एहि सूचीमे दिल्ली आ लखनऊसँ बिहार लेल ट्रेन उपलब्ध होयत। रेलवे छठि आ दिवाली लेल विशेष ट्रेनक सूची जारी कयलक अछि, जाहिमे लगभग १६६ ट्रेन अछि। ई विशेष ट्रेन अलग-अलग तिथि पर चलत। जँ अहां टिकट चाहैत छी तँ आब चेक कए सकैत छी।
वंदे भारत एक्सप्रेस : दिल्लीसँ पटना धरिक जानकारी
दिवाली आ छठि पर रेलवे दिल्लीसँ पटना लेल वन्दे भारत ट्रेन चलयबाक निर्णय लेलक। ई वन्दे भारत मात्र विशेष ट्रेनक रूपमे चलत। ई बुध (३० अक्टूबर) सँ चलत। ई मात्र ६ नवम्बर धरि चलत। ई ट्रेन सप्ताहमे ३ दिन बुध, शुक्र आ रवि दिन चलत। ई दिल्लीसँ भोर ८.२५ बजे आ पटनासँ ७.३० बजे प्रस्थान करत। ई ट्रेन नई दिल्लीसँ पटना लेल ११ घंटा ३५ मिनटमे यात्रा करत।
तेजस एक्सप्रेस : नई दिल्लीसँ पटना धरि
यात्री नई दिल्ली आ पटनाक बीच तेजस एक्सप्रेससँ सेहो यात्रा कऽ सकैत छथि। तेजस एक्सप्रेस मात्र विशेष ट्रेनक रूपमे चलत। ई पिछला मंगलवार (२९ अक्टूबर) सँ चलि रहल अछि। इ ट्रेन ६ नवंबर धरि चलत। ई ट्रेन दिल्लीसँ सप्ताहमे तीन दिन मंगल, बृहस्पति आ शनिकेँ चलत। ई ट्रेन पटनासँ बुध, शुक्र आ रविदिन भोर ८:२५ बजे प्रस्थान करत। ई पटनासँ भोर ७:३० बजे प्रस्थान करत।
वन्दे भारत एक्सप्रेस : लखनऊसँ छपरा
दिवाली आ छठि पर लखनऊसँ छपरा जायवला यात्रीसभकेँ सेहो सुविधा देल गेल अछि। यात्री वन्दे भारत ट्रेनसँ जा सकैत छथि। ई ट्रेन २५ अक्टूबरसँ चलाओल जा रहल अछि। ई ८ नवंबर धरि चलत। ई ट्रेन मंगल दिन छोड़ि सभ दिन चलत। ई लखनऊसँ २:१५ बजे प्रस्थान करत। ई छपरासँ राति ११ बजे चलत।
