नवी मुंबई मैथिल ट्रस्ट द्वारा फागुन सिनेह सांस्कृतिक कार्यक्रमक आयोजन जुईनगर केर बंट्स ऑडिटोरियममे सफलतापूर्वक आयोजित भेल। मैथिलीक राॅकस्टार गायिका प्रिया मल्लिक अपन सुमधुर आओर मिथिलाक पारम्परिक गीत-संगीत प्रस्तुत कय ऑडिटोरियममे उपस्थित दर्शककें झुमबा पर पर मजबूर कऽ देलनि। प्रेम प्रकाश कर्ण द्वारा मैथिली फोक पर आधारित आधुनिक संगीतक विलक्षण प्रस्तुति ऑडिटोरियममे उपस्थित श्रोतागणकें भरपूर मनोरंजन कयलक।
दीप प्रज्वलनक उपरांत गोसाउनिक गीत “जय-जय भैरवि…” केर प्रस्तुति हीरा हमराही द्वारा कयल गेल। आयोजनक अवसर पर गीत-संगीतक अतिरिक्त हास्य-व्यंग्ययुक्त काव्य पाठ केर मनभावक आयोजन दर्शकवृन्दकें आलोड़ित कयलक। कार्यक्रमक सफल संचालन विकास झा एवम् रौशनी झा द्वारा संयुक्त रूपसँ कयल गेल। एहि अवसर पर मिथिला समाजक वरिष्ठ समाजसेवीक अतिरिक्त विभिन्न मैथिल संगठनक प्रतिनिधि उपस्थित भेलाह।
