खगरियाक बेलदौर थाना क्षेत्रक बेलानौवाद एनएच 107 पर बस आ ट्रकक आमने-सामने टक्कर भेल। दुर्घटना एतेक भयावह छल जे बस कंडक्टर आ दूटा यात्रीक मौका पर मृत्यु भs गेल आ करीब 10 गोटे घायल भेलाह। घटनाक बाद एकटा मृतकक पहिचान कयल गेल अछि। जिनकर नाम सुशील सिंह कहल जाइत अछि, जे सहरसा जिलाक धबौली गामक निवासी छलाह | जखन कि दुनू अन्य मृतकक पहिचान पुलिस एखन धरि नहि बतौलक अछि। घटनाक बाद इलाकामे हलचल मचि गेल। चारू कात लोकक भीड़ जमा भs गेल।
बताओल जा रहल अछि जे तेज रफ्तारक कारण दुनू आमने-सामने टकरा गेल। टक्करक आवाज सुनि लगक लोक ओहि ठाम जमा भs गेल। बस आ ट्रकक भीतरसँ लोककेँ निकलल गेल। तकर बाद स्थानीय ग्रामीण सभ पुलिसकेँ एहि बातक सूचना देलथि। पुलिस पहुँचि कs शवकेँ अपन कबजामे लेलक आ पोस्टमार्टमक लेल सदर अस्पताल खगड़िया पठाओलक अछि। जखन कि एहि घटनामे करीब एक दर्जन आओर बस यात्री गंभीर रूपसँ घायल भेल छथि। बस सहरसासँ भागलपुर जा रहल छल।
मौका पर उपस्थित ग्रामीणक कहब छनि जे तेज रफ्तारक कारण चालकके गाड़ी परसँ नियंत्रण हटि गेल। यैह कारण अछि जे ई दुर्घटना भेल। पुलिसकेँ एहि मामिलाकेँ गंभीरतासँ लेबाक चाही आ आरोपीक खिलाफ कड़ा कारवाई करबाक चाही। एतय बेलदौर पुलिसक कहब अछि जे, घटनाक बाद सभ घायलकेँ बेहतर इलाजक लेल स्थानीय अस्पताल रेफर कs देल गेल।
पुलिसक कहब अछि जे मृतकमे सँ एकटाक पहिचान भs गेल अछि, दू अन्य मृतकक पहिचान एखन धरि नहि भs सकल छल। दुनू गाड़ीक तेज रफ्तार रहलाक कारण दुर्घटना भेल पुलिस जनौलक अछि। मृतकक परिवारकेँ सूचना पठाओल गेल अछि । दुर्घटना बस शिवजी ट्रैवल कहल जा रहल अछि।
