अपन सोशल मीडिया पोस्टमे पराग कर जनतब देलनि जे भारती एयरटेल द्वारा २,१०० मेगाहर्ट्जमे ५४५ करोड़ टाकाक एकल बोली देल गेल अछि। वोडाफोन आइडिया (वीआई) २५०० मेगाहर्ट्ज बैंडमे एकमात्र बोलीदाता छल।
दूरसंचार विभाग (डीओटी) द्वारा ८०० मेगाहर्ट्ज, ९०० मेगाहर्ट्ज, १८०० मेगाहर्ट्ज, २,१०० मेगाहर्ट्ज, २,३०० मेगाहर्ट्ज, ३,३०० मेगाहर्ट्ज आ २६ गीगाहर्ट्ज बैंड नीलामीक लेल राखल गेल छल।
भारती एयरटेल, वोडाफोन आइडिया आ रिलायंस जियो नीलामी प्रक्रियामे भाग लेलक।
विश्लेषकक कहब छनि जे स्पेक्ट्रमक एहि नीलामीसँ देशमे ५जी कवरेज तेजीसँ बढ़यबामे सहायता भेटत। एहिसँ सेवाक गुणवत्तामे सेहो सुधार होयत।
एरिक्सन मोबिलिटी रिपोर्टक अनुसार, भारतमे ५जी उपयोगकर्ताक संख्या २०२९क अन्त धरि ८४ करोड़ धरि पहुँचि सकैत अछि, जे कुल मोबाइल सब्सक्राइबरक संख्याक ६५ प्रतिशत होयत।
एहिसँ पहिने २०२२ मे डेढ़ लाख करोड़ टाकाक स्पेक्ट्रमक नीलामी भेल छल।
