अमेरिकी राष्ट्रपति डोनाल्ड ट्रंप 1 अगस्तसँ भारत पर 25% टैरिफ लगाबय केर घोषणा कयलनि अछि। सोशल मीडिया प्लेटफॉर्म ट्रूथ सोशल पर एकटा पोस्टमे ओ लिखलनि कि ‘याद राखब, भारत हमर दोस्त अछि, मुदा पिछला किछु सालमे हम हुनकासँ अपेक्षाकृत कम व्यापार कयने छि, कारण हुनक टैरिफ बहुत बेसी अछि, दुनियामे सबसँ बेसी अछि, आ हुनक कोनो देशसँ सबसँ कठोर आ सबसँ अप्रिय गैर-मौद्रिक व्यापार प्रतिबंध अछि।
ट्रंप आगू पोस्टमे लिखलनि, एकर अलावा, ओ हमेशा अपन अधिकांश सैन्य उपकरण रूससँ खरीद चुकल अछि आ चीनक संग संग ओ रूस केर सबसँ पैघ ऊर्जा खरीदार अछि, एहेन समयमे जखनि सब चाहैत अछि कि रूस यूक्रेनमे हत्या रोकय, सब किछु ठीक नहि अछि। तँ भारतकेँ 1 अगस्तसँ उपरोक्तक लेल 25% टैरिफ आ पेनल्टी देबय पड़त, एहि मामिला पर ध्यान देबय लेल धन्यवाद। अमेरिकाकेँ फेरसँ महान बनाउ!’
ट्रंप एकटा आओर पोस्टमे कहलनि कि भारतक साथ हमर व्यापार घाटा बहुत पैघ अछि।
एहिसँ पहिने डोनाल्ड ट्रंप लिखने छलाह जे 1 अगस्तक अंतिम तिथि 1 अगस्त अछि – ई मजबूतीसँ स्थापित अछि आओर एकरा बढ़ाओल नहि जाएत। अमेरिकाक लेल एकटा पैघ दिन अछि।
एहिसँ पहिने 3 अप्रैल 2025 केँ अमेरिकी राष्ट्रपति डोनाल्ड ट्रंप भारत सहित कतेको देश पर भारी टैरिफ लगेबाक घोषणा कयने छलाह। भारत पर 26% ‘पारस्परिक टैरिफ’ लगौलनि। चीन पर 34%, यूरोपीय संघ पर 20% आ जापान पर 24% टैरिफ लगाओल गेल। एकर संग-संग कंबोडिया पर 49 प्रतिशत, मेडागास्कर पर 47 प्रतिशत, वियतनाम पर 46 प्रतिशत आ थाईलैंड पर 36 प्रतिशतक टैरिफ लगा देल गेल। एहि दौरान ट्रंप कहलनि, ई टैरिफ शुल्क आंशिक जवाबी अछि।
