बेतिया पुलिस कयलक ३.५ करोड़ टाकाक चरस सहित ३ तस्करकेँ गिरफ्तार

नेपालसँ चरस जाइत छल हरियाणा
*
बेतिया समदिया
*

बेतिया पुलिस मादक पदार्थक विरुद्ध कार्रवाईमे पैघ सफलता प्राप्त कयलक अछि। पुलिस तीनटा तस्करकेँ गिरफ्तार कयलक अछि जे नेपालसँ उत्तर प्रदेश होइत हरियाणा चरसक खेपक तस्करी करबाक प्रयास कऽ रहल छल। एहि तस्कर सभसँ ३५.७६६ किलो चरस बरामद कयल गेल । जकर कीमत लगभग साढ़े तीन करोड़ कहल जा रहल अछि। पुलिस अधीक्षक अमरकेश डी एहि कार्रवाईक पुष्टि कयलनि। एसपी कहलनि कि पूछताछक बाद तीनूकेँ न्यायिक हिरासतमे भेज देल गेल अछि। एसपी अमरकेश डी कहलनि जे सूचना भेटल छल जे किछु तस्कर सुप्रिया रोड पर चरसक खेप लऽ कऽ पहुँचल अछि आ खेप लऽ कऽ अलग-अलग तरीकासँ बाहर जयबाक प्रयास कऽ रहल अछि। सूचनाक आधार पर सदर एसडीपीओक नेतृत्वमे एकटा टीमक गठन कयल गेल। टीमक सदस्य लोकनि अलग-अलग घेराबंदी कयलनि आ एनएच ७२७ पर नगर थाना क्षेत्रमे होटल रिद्धि-सिद्धिक समीप सड़कक कातमे बाइक पर सवार दूटा युवककेँ संदिग्ध स्थितिमे कार्टूनक सङ्ग पकड़लनि। तलाशी पर हुनकालोकनिसँ चरसक एकटा पैघ खेप बरामद कयल गेल। बरामद चरसक वजन भेला पर ३१ किलो ७६६ ग्राम पाओल गेल। ओकरा सभसँ पूछताछ होबए लागल। दुनूमेसँ एकटाक पहिचान इनर्वा थाना क्षेत्रक इनर्वा बाजारक निवासी फैयाज मियाँ आ दोसर सिरिसिया ओपीक भिखमपुरक निवासी संजय पटेलक रूपमे भेल। एम्हर एकटा आओर तस्कर तत्काल हरिवाटिका न्यू बस स्टैंड लग बाइक लऽ कऽ पकड़ल गेल। ओकर लगसँ चारि किलो चरस बरामद भेल। ओकर पहिचान सहोदरा थाना क्षेत्रक बैरियाक निवासी सुरेश यादव भेल। मजिस्ट्रेटक रूपमे सदर खण्ड विकास पदाधिकारीक समक्ष बरामद चरस जब्त करैत तस्कर द्वारा उपयोग कयल जा रहल मोबाइल फोन आ बाइक सेहो जब्त कयल गेल। छापा मारय वाला टीममे सदर एसडीपीओ विवेक दीप, नगर थाना प्रमुख मनोज कुमार सिंह, मोफुसिल थाना प्रमुख ज्वाला कुमार सिंह, तकनीकी शाखा निरीक्षक अभिराम सिंह, रमन कुमार, प्रमोद कुमार यादव, रमेश कुमार सिंह, उपनिरीक्षक ऋतुराज जायसवाल, रोशन कुमार, प्रियंका कुमारी, प्रशिक्षु उपनिरीक्षक अनुज कुमार, तकनीकी शाखाक सिपाही कमलेश कुमार, बबलू कुमार आ थानाक रिजर्व गार्ड शामिल छलाह। एसपी कहलनि जे तस्कर पड़ोसी नेपालसँ चरस अनने छल। जकर आपूर्ति हरियाणाक एकटा व्यक्तिकेँ करबाक छल। मुदा एहि बीच पुलिसकेँ एकर भनक लागल। आपूर्ति पहुँचयबासँ पहिने तीनू तस्करकेँ गिरफ्तार कऽ लेल गेल। किछु आर लोक सेहो एहि व्यवसायमे शामिल अछि, जकर गिरफ्तारी पुलिस द्वारा कयल जा रहल अछि। एसपी कहलनि कि गिरफ्तार कयल गेल दूटा तस्कर पूर्वमे जेल गेल छल। सुरेश यादव पहिने एकटा हत्याक मामिलामे जेल गेल छल। जखन कि फैयाज मियां एनडीपीएस एक्ट मामिलामे जेल जा चुकल अछि । पुलिस तीनू तस्करकेँ रिमांड पर लेत।