संबल योजनाक अन्तर्गत ३५ लाभार्थीकेँ भेटत बैटरी चालित ट्राइसाइकिल

मधुबनी समदिया
*

संबल योजनाक अन्तर्गत बैटरी चालित ट्राइसाइकिलक लेल जिला स्क्रीनिंग समितिक बैसार सोमदिन देर साँझ जिलाधिकारी अरविन्द कुमार वर्माक अध्यक्षतामे समाहरणालय सभाकक्षमे भेल। बैसारमे विभिन्न प्रखंडक ३८ लाभार्थीक आवेदनक समीक्षा कयल गेल, जाहिमे ३५ आवेदनकेँ मंजूरी देल गेल आ ३टा आवेदन खारिज कऽ देल गेल।

स्वीकृतिक बाद ३५ लाभार्थीक लेल बैटरीसँ चलयवला ट्राइसाइकिल खरीदल जायत आ जहिना ओ उपलब्ध होयत लाभार्थीसभमे वितरित कयल जायत। बैठकमे डीडीसी दीपेश कुमार, नगर आयुक्त अनिल चौधरी, एसीएमओ आरके सिंह, सहायक निदेशक आशीष अमन आ रेड क्रॉसक प्रतिनिधि गिरीश उपस्थित छलाह।