बिहारक एहि क्षेत्रमे तेज हवाक संग बरखा आ वज्रपातक संभावना

पटना समदिया
*

बिहारक कतेको जिलामे गर्मीसँ राहत भेटयकेँ संभावना अछि, मौसम विभाग कोसी, सीमावर्ती मिथिला क्षेत्र, मिथिला, तिरहुत, चंपारण आ अंग प्रदेशक बहुतो जिलामे तेज हवा, वज्रपात आ गरजक संग हल्का बरखाक लेल यलो अलर्ट जारी कयलक अछि।

मौसम विभागक अनुसार 14 आ 15 मईकेँ बिहारक कतेको जिलामे हल्का बरखाक अलर्ट जारी कएल गेल अछि, मौसम विभाग लोक सभसँ सावधान रहयकेँ अपील कयलक अछि,

संगहि अरवल, औरंगाबाद, भोजपुर, बक्सर, रोहतास आओर कैमूरमे गर्मीसँ लोक केर परेशानी होयत, एहि जिलामे गर्मीक लहरि जेकां स्थिति विकसित भs सकैत अछि। पूर्णिया, अररिया, कटिहार, किशनगंज, सुपौल, मधेपुरा, सहरसा, खगड़िया, भागलपुर, बांका, मुंगेर, जमुई, शेखपुरा, बेगूसराय, समस्तीपुर, दरभंगा, मधुबनी, वैशाली, मुजफ्फरुपर, सीतामढ़ी, शिवहर, पूर्वी चंपारण, पश्चिमी चंपारण, गोपालगंज, पटना, वैशाली, नवादा समेत कतेको इलाकामे 30 सँ 40 किमी प्रतिघंटाक रफ्तारसँ हवा, वज्रपात आ मेघगर्जनक आसार अछि। एहि जिला सभक कतेको इलाकामे हल्कासँ मध्यम बरखाक आसार अछि।
दक्षिण पश्चिम मानसून कार्यक्रम निर्धारित समयक अनुसार आगू बढ़ि रहल अछि। पिछला 24 घंटामे निकोबार द्वीप समूहक ऊपर भारी वर्षा देखल गेल अछि। मंगलदिनसँ दक्षिण पश्चिम मानसून केर बढ़ब शुरू भऽ गेल आ अंडमान सागर, बंगाल केर खाड़ी आ अंडमान निकोबार द्वीप समूह केर कुछ हिस्सामे अनुकूल परिस्थिति जारी रहत । प्रभावक तहत अगिला 24 घंटाक दौरान निकोबार द्वीप समूहमे बरखाक गतिविधि बढ़य केर संभावना अछि, जाहिसँ भारीसँ लs कs बहुत भारी बरखा भऽ सकैत अछि।