भारत पाकिस्तान संग तनावक बीच बांग्लादेशक चारिटा समाचार चैनल जमुना टीवी, एक्टर टीवी, बांग्लाविजन आ मोहोना टीवीकेँ भारत-विरोधी प्रचार लेल भारत प्रतिबंधित कएलक अछि। ई चैनल यूट्यूब पर ब्लॉक कएल गेल अछि आ बांग्लादेशसँ सेहो हटाओल जा सकैत अछि।
पाकिस्तानक खिलाफ जवाबी कार्यवाहीक बीच भारत बांग्लादेश पर सेहो एक्शन लेलक। भारतक खिलाफ प्रोपेगंडा पसारयबला 4 टा बांग्लादेशी मीडिया पर कार्यवाही कएल गेल अछि। ई खुलासा बांग्लादेशी मीडिया द्वारा स्वयं कयल गेल अछि। भारतक एही एक्शनसँ बांग्लादेश भयातुर अछि।
ढाका ट्रिब्यूनक अनुसार, बंग्लादेशक 4टा न्यूज चैनलकेँ भारतमे ब्लॉक करबाक निर्णय लेल गेल अछि। जे चैनल सभकेँ ब्लॉक करए केर निर्णय लेल गेल अछि ओहिमे जमुना टीवी, एक्टर टीवी, बांग्लाविजन आ मोहोना टीवीक नाम शामिल अछि। एहि हफ्ता भारत एकटा आर झटका बंग्लादेशकेँ देने छल। भारत 2 दिन पूर्व बंग्लादेश केर 123 घुसपैठीकेँ वापस सीमा पार भेज देलक।
प्रोपेगंडा पसारबाक आरोप अछि जे युद्धमे ई चैनल भारतक खिलाफ प्रोपेगंडा पसारि रहल छल, जकर बाद भारत यूट्यूबसँ एही चैनल सभकेँ खिलाफ सख्त कार्यवाही करवाक आग्रह कयलक। भारतसँ आदेश भेटैत यूट्यूब एही चैनल सभकेँ खिलाफ जांच शुरू कएलक। जांचमे पायल गेल जे ई चैनल भारतक खिलाफ एहेन खबरि सभ प्लांट कय रहल छल, जे फेक छल।
एहि चैनल सभकेँ यूट्यूबसँ नोटिस सेहो पठाओल गेल अछि। कहल जा रहल अछि जे सही उत्तर नहि भेटला पर ई चैनल सभकेँ बांग्लादेशसँ सेहो हटाओल जा सकैत अछि। रिपोर्टमे कहल गेल अछि जे ई 4टा चैनल सभक अलावा बांग्लादेशक 34 आन मीडिया संस्थान सभक सेहो जाँच कएल गेल अछि। बांग्लादेशक ई चैनल सभ पर बैन लगाबयसँ पहिने भारत पाकिस्तानक 16टा न्यूज चैनल सभकेँ यूट्यूब पर ब्लॉक करवा देने अछि।
बांग्लादेशक अंतरिम सरकार भारत आ पाकिस्तानक तनाव पर तटस्थ अछि। एखन धरि बांग्लादेशक चीफ एडवाइजर मोहम्मद यूनुस द्वारा कोनो बयान जारी नहिं कएल गेल अछि। यूनुस पूरा मामिलामे वेट एंड वाचक स्थितिमे छथि। यूनुसक सरकार भारत आ पाकिस्तानक तनाव केर बीच किछु कार्यवाही अवश्य कएलक अछि, जे हुनक डरकेँ बताएबा लेल पर्याप्त अछि। यूनुसक सरकार सीमा क्षेत्रमे अपन सैन्य सुरक्षाकेँ मजबूत कएलक अछि। जाहिसँ हिंदू सभ पर कोनो हमला नहि होय। सरकारी आदेश सेहो जारी कएल गेल अछि। बांग्लादेशमे हिंदू सभक सुरक्षा एकटा पैघ मुद्दा रहल अछि।
