बाबू वीर कुंवर सिंहक जयंतीकेँ बिहार सरकार शौर्य दिवसक रूपमे मनबैत अछि। एहि मौका पर पुलिस प्रशासनक तरफसँ ट्रैफिक नियम आ निर्देशक पालन केर अपील कएल गेल अछि। 22 आ 23 अप्रैलकेँ पार्किंग स्थलक अलावा वाहन ठाढ़ करनिहार सभ पर प्रशासन कड़ा अछि।
बिहारमे आगामी 22 आ 23 अप्रैलकेँ शौर्य दिवस केर भव्य आयोजन होबएबला अछि। एहि मौका पर वायुयान केर शौर्य प्रदर्शन पटनाक जेपी गंगा पथ पर देखल जाएत। ई दिन पूरा बिहार खास कय पटनावासी लेल बेहद खास होबए बला अछि। प्रशासनक तरफसँ एहिसँ संबंधित सभ तैयारी लगभग पूरा कऽ लेल गेल अछि।
ई पहिल बेर होयत, जखनि राजधानी पटनाक आकाशमे वायुसेनाक सूर्यकिरण इकाईमे शामिल विमान कलाबाजी देखाओत। एहि भव्य एयर शो केर देखबाक लेल पटनाक सभ्यता द्वारकेँ समक्ष हजारों लोक जुटत। केंद्रीय रक्षा मंत्री राजनाथ सिंह, मुख्यमंत्री नीतीश कुमार समेत अन्य गणमान्य लोककेँ शामिल होयबाक पूरा संभावना अछि।
