राजधानीमे गरीब लोकनिक लेल आयुष्मान योजना लागू भऽ गेल अछि। एहि सुविधा केर तहत पंजीकृत व्यक्ति दिल्ली सहित देशक निजी अस्पताल सभमे 10 लाख रुपयाक तकक मुफ्त चिकित्सा सेवा लऽ सकैत छथि।
एहि पर शनिकेँ दिन दिल्लीमे आयुष्मान लेल केंद्र आ दिल्ली सरकारक बीच एकटा समझौता भेल अछि। दिल्ली केर स्वास्थ्य सचिव आ केंद्र सरकारक स्वास्थ्य विभागक अधिकारी सभ समझौता पर हस्ताक्षर कयलनि। एहि मौका पर केंद्रीय स्वास्थ्य मंत्री जेपी नड्डा, केंद्रीय स्वास्थ्य राज्य मंत्री अनुप्रिया पटेल, दिल्ली केर मुख्यमंत्री रेखा गुप्ता, दिल्लीक मुख्य सचिव धर्मेंद्र, स्वास्थ्य मंत्री पंकज कुमार सिंह, सभ सात सांसद सहित अन्य गणमान्य लोक उपस्थित रहलाह।
सीएम रेखा गुप्ता कहलनि जे केंद्र सरकार एहि योजना केर लागू कयलक आ बढ़िया फंड प्रदत्त कयलन्हि। केंद्र सरकार आ दिल्ली सरकार एक दिशामे काज नहि करब, एकर उदाहरण छल जे दिल्लीक जनताकेँ एहेन योजनाक लाभ नहि भेटि रहल छल, मुदा आब भेटत।
एहि अवसर पर जेपी नड्डा कहलथि जे ई एकटा ऐतिहासिक दिन अछि। ई दिन मोदी जी 9 वर्ष पहिने सोचने छलथिन, से आइ लागू भ’ रहल अछि। ई पहिल योजना अछि जे गरीबकेँ जोड़ैत अछि। हेल्थ कभर देल गेल। एहि वर्ष मोदी जी 70 वर्ष सँ बेसीक सभ केँ 5 लाखक उपचार देलनि अछि। एहि मददिसँ लोकक उपचार पर खर्च होमय वाला पैसामे कमी आयल अछि। 6 लाख लोक 70 सँ बेसीक होयत। जखनिकि 30 लाख गरीब लोककेँ एहि योजनाक फायदा भेटत। 36 लाख लोककेँ दिल्लीमे एहि योजनासँ सुविधा भेटत।
