बिहारक मुख्यमंत्री नीतीश कुमार पाटलिपुत्र पार्कमे पूर्व प्रधानमंत्री अटल बिहारी वाजपेयीक प्रतिमापर पुष्पांजलि अर्पित कयलनि। एकर सङ्ग ओ घोषणा कयलनि जे पूर्व प्रधानमन्त्रीक पुण्यतिथि राजकीय समारोहक रूपमे मनाओल जायत।
पूर्व प्रधानमंत्री आ भारत रत्न अटल बिहारी वाजपेयीक पुण्यतिथि पर मुख्यमंत्री नीतीश कुमार घोषणा कयलनि अछि जे अटल बिहारी वाजपेयीक पुण्यतिथि राजकीय समारोहक रूपमे मनाओल जायत। बिहारक राज्यपाल राजेन्द्र विश्वनाथ आर्लेकर आ मुख्यमंत्री नीतीश कुमार शुक्रदिन पूर्व प्रधानमंत्री अटल बिहारी वाजपेयीक पुण्यतिथि पर पुष्पांजलि अर्पित कयलनि।
उप मुख्यमंत्री आ बिहार विधानसभा अध्यक्ष सेहो उपस्थित छलाह।
मुख्यमंत्री घोषणा कयलनि जे पूर्व प्रधानमंत्री आ भारत रत्न अटल बिहारी वाजपेयीक पुण्यतिथि राजकीय समारोहक रूपमे मनाओल जायत।
एहि अवसर पर उपमुख्यमंत्री सम्राट चौधरी, बिहार विधानसभा अध्यक्ष नंद किशोर यादव, जल संसाधन मंत्री सह संसदीय कार्य मंत्री विजय कुमार चौधरी, भाजपा प्रदेश अध्यक्ष राजस्व आ भूमि सुधार मंत्री डॉ. दिलीप कुमार जायसवाल सेहो उपस्थित छलाह।
ओम्हरराष्ट्रपति द्रौपदी मुर्मू आ प्रधानमंत्री नरेन्द्र मोदी शुक्रदिन पूर्व प्रधानमंत्री अटल बिहारी वाजपेयीकेँ हुनक पुण्यतिथि पर श्रद्धांजलि अर्पित कयलनि। केन्द्रीय मंत्री आ विभिन्न राजनीतिक दलक नेता लोकनि दिल्लीक ‘सदैव अटल’ स्मारकपर पुष्पांजलि अर्पित कयलनि।
अपन श्रद्धाञ्जलिमे पीएम मोदी कहलनि जे राष्ट्र निर्माणमे हुनक अद्वितीय योगदानक लेल अनगिनत लोक हुनका याद करैत छथि। ओ अपन पुरा जीवन ई सुनिश्चित करबामे समर्पित कऽ देलनि जे हमर साथी नागरिक एकटा नीक जीवन जी सकैथ। संगहि पीएम मोदी कहलखिन जे हम देशक लेल हुनकर सपनाकेँ पूरा करय लेल काज करैत रहब।
