बिहार विधानसभा चुनावक दृष्टिसँ ओवैसीक एहि दौराकेँ महत्वपूर्ण मानल जा रहल अछि। मुस्लिम बहुल क्षेत्र (किशनगंज, अररिया, पूर्णिया, कटिहार), मगध, मिथिला पर हुनकर विशेष ध्यान अछि। आगामी बिहार विधानसभा चुनावक लेल सब पार्टी तैयारीमे जोर-शोरसँ जुटल अछि। असदुद्दीन ओवैसीक पार्टी एआईएमआईएम सेहो चुनावी मैदानमे उतरत। एहिक मद्देनजर एआईएमआईएमक प्रमुख आ सांसद ओवैसी काल्हि (शुक्रदिन) दू दिवसीय दौरा पर बिहार अयलाह।
एआईएमआईएम प्रवक्ता आदिल हसन बतौलनि कि प्रदेश इकाई केर तरफसँ लगभग 50 सीट पर चुनाव लड़बाक प्रस्ताव असदुद्दीन ओवैसीकेँ देल गेल अछि। आब कतेक सीट पर लड़ब ताहि पर अंतिम निर्णय ओ लेताह।
ओ कहलनि कि आइ (शुक्रदिन) साँझ असदुद्दीन ओवैसी मुस्लिम बहुल सीमांचलक किशनगंज पहुँचताह। आगामी विधानसभा चुनावक लेल पार्टी नेता सभक संग बैठक करताह। रात्रि विश्राम किशनगंजमे करताह। शनिदिन किशनगंजक बहादुरगंजमे रैलीकेँ संबोधित करताह। ओकर बाद दरभंगाक लेल प्रस्थान करताह। दरभंगामे पार्टी नेता सभक संग बैठक करताह। मोतिहारीक ढाकामे सेहो रैलीक आयोजन शनि (03 मई) केँ होयत। मोतिहारीमे रात्री विश्राम करताह। चार मईकेँ मोतिहारीक ढाकामे रैलीकेँ संबोधित करताह। ओकरा बाद रवि (04 मई) केँ गोपालगंज जायताह। ओहिठाम पार्टी नेता सभक संग बैठक करताह। गोपालगंजसँ रविदिन गोरखपुरकेँ लेल निकलताह।
जनतब जे बिहार विधानसभा चुनावकेँ देखैत ओवैसीक ई दौरा महत्वपूर्ण मानल जा रहल अछि। मुस्लिम बहुल क्षेत्र (किशनगंज, अररिया, पूर्णिया, कटिहार), मगध, मिथिला पर हुनकर विशेष नजरि अछि। 2020 केर बिहार विधानसभा चुनावमे एआईएमआईएम 18 सीट पर चुनाव लड़ल छल। ताहिमे सँ 5 सीट पर जीत हासिल कयल गेल छल। कतेको सीट पर आरजेडीक उम्मीदवार सबहक हारिक कारण सेहो ओवैसीक उम्मीदवार सभ मानल गेल छल। आब एक बेर फेर ओवैसी बिहारमे अपन ताकत देखाबयक लेल तैयार छथि। पाँचमेसँ चारिटा विधायक ओवैसीक बादमे आरजेडीमे शामिल भऽ गेल छल।
