चीन पर अतिरिक्त टैरिफ लगयबाक अमेरिकी धमकीक जवाबमे चीनी विदेश मंत्रालयक प्रवक्ता मंगलकेँ आयोजित नियमित संवाददाता सम्मेलनमे कहलथि कि जँ अमेरिका चीन, अमेरिका आ अंतर्राष्ट्रीय समुदायक हितक अनदेखी करैत अछि आ टैरिफ युद्ध एवं व्यापार युद्ध शुरू करबाक बात केर जोर दैत अछि, तऽ चीन अंत धरि लड़त।
रिपोर्टक अनुसार, अमेरिकी राष्ट्रपति डोनाल्ड ट्रंप हालहिमे धमकी देलथि कि जँ चीन अमेरिकाक खिलाफ अपन टैरिफ प्रतिवाद रद्द नहि करैत अछि, तऽ अमेरिका 50 प्रतिशत टैरिफ लगौनाइ जारी राखत।
एहि पर चीनी प्रवक्ता कहलथि कि अमेरिका द्वारा टैरिफक दुरुपयोग विभिन्न देशसभक वैध अधिकार आ हितक गंभीर उल्लंघन अछि, विश्व व्यापार संगठनक नियमसभक गंभीर उल्लंघन कएलक अछि, नियम-आधारित बहुपरकीय व्यापार प्रणालीक गंभीर रूपसँ नुकसान पहुँचाओल अछि आ वैश्विक आर्थिक व्यवस्था पर गंभीर प्रभाव डाललक अछि। ई विशिष्ट एकतरफावाद, संरक्षणवाद आ आर्थिक धौंस अछि आ एकरा अंतर्राष्ट्रीय समुदाय द्वारा व्यापक रूपसँ विरोध कएल जाइत अछि। चीन एकर कड़गर निंदा आ जोरदार विरोध करैत अछि।
