२००८ केर मुम्बई आतंकी हमलाक मुख्य साजिशकर्ता तहव्वुर राणाकेँ अमेरिकासँ भारतक धरती पर बृहस्पतिकेँ आनल गेल। पाकिस्तानी मूलक कनाडाई नागरिक 64 वर्षक तहव्वुर राणा डेविड कोलमैन हेडली केर नजदीकी सहयोगी अछि, जे दाउद गिलानी नामसँ सेहो जानल जाइत अछि।
राणा बृहस्पतिकेँ अमेरिकासँ दिल्ली पहुँचल अछि। मुंबई हमलाक आरोपी तहव्वुर राणा अमेरिकासँ भारत आनि लेल गेल अछि। दिल्लीमे ओकर पहुँचबाक पूर्व सुरक्षाक कड़ा इंतजाम कयल गेल अछि।
तहव्वुरक आगमनक पूर्व राष्ट्रीय जांच एजेंसी (NIA) केर मुख्यालयमे हुनक संभावित पेशिक दृष्टिकोणसँ जवाहरलाल नेहरू (जेएलएन) मेट्रो स्टेशन केर गेट नंबर 2 बंद कयल गेल अछि। संगहि आस-पास लोकक आवाजाही पर रोक लगायल गेल अछि। एहतियात स्वरूप दिल्ली स्थित जवाहरलाल नेहरू (JLN) मेट्रो स्टेशन केर गेट नंबर 2 बंद कयल गेल अछि आ क्षेत्रक आसपास लोकक आवाजाही प्रतिबंधित कयल गेल अछि। मानल जा रहल अछि जे दिल्ली अबिते तहव्वुरकेँ पूछताछ लेल NIA मुख्यालय आनल जा सकैत अछि।
दिल्ली मेट्रो रेल कॉरपोरेशन (DMRC) केर प्रवक्ता कहलथि, “एनआईए बिल्डिंग केर सबसँ नजदीक जेएलएन मेट्रो स्टेशन केर गेट नंबर 2 एहतियात स्वरूप बंद क देल गेल अछि, मुदा मेट्रो ट्रेनक सेवाकाल सामान्यतः जारी रहत आ स्टेशन पर अन्य सभ एंट्री आ एक्जिट प्वाइंट यात्री सभक लेल खुजल रहत। पाकिस्तानी मूल केर कनाडाई नागरिक 64 वर्षक तहव्वुर राणा डेविड कोलमैन हेडली केर निकट सहयोगी अछि, जकरा दाउद गिलानी केर नामसँ सेहो जानल जाइत अछि आ ओ 2008 मे मुंबई आतंकी हमलाक मुख्य साजिशकर्तामे सँ एक अछि।
26 नवंबर, 2008 केर मुंबईमे भेल आतंकी हमलामे पाकिस्तानसँ आएल 10 आतंकवादी शामिल छल, जे अरब सागरक राहसँ मुंबई पहुँचि अनेक जगह एक संग हमला कएने छल, जाहिमे एकटा रेलवे स्टेशन, 2टा पैघ होटल आ एकटा यहूदी केंद्र शामिल छल। ई आतंकी हमला करीब 60 घंटा तक जारी रहल छल आ एहि आतंकी वारदातमे 166 लोकक जान चलि गेल छल।
