अमेरिका पहलगाम हमलामे शामिल द’ रेजिस्टेंस फ्रंट (टीआरएफ) केर आतंकी संगठन घोषित कय देलक अछि। भारतक विदेश मंत्री एस. जयशंकर अपन एक्स पोस्टमे लिखलनि, “भारत-अमेरिका आतंकवाद विरोधी सहयोगक एकटा मजबूत पुष्टि। हम अमेरिकी विदेश विभाग आ सीनेटर मार्को रूबियो केर प्रशंसा करैत छी, ओ लश्कर-ए-तैयबा (एलईटी) केर प्रॉक्सी टीआरएफक विदेशी आतंकी संगठन (एफटीओ) आ विशेष रूपसँ नामित वैश्विक आतंकवादी (एसडीजीटी) केर रूपमे नामित कयलक।”
एकर संग अमेरिकामे भारतीय दूतावास सहो एकटा आधिकारिक पोस्टमे लिखलक, “अमेरिकाक फैसला पर भारतीय दूतावास कहलक कि टीआरएफ पर प्रतिबंध भारत आ अमेरिका केर मजबूत आतंकवाद विरोधी सहयोगक उदाहरण अछि। हम अमेरिकी विदेश विभागक आभारी छी कि ओ द’ रेजिस्टेंस फ्रंट (टीआरएफ) केर विदेशी आतंकवादी संगठन (एफटीओ) आ ग्लोबल टेररिस्ट (एसडीजीटी) केर रूपमे सूचीबद्ध कयलक अछि।
22 अप्रैलकें पहलगाममे नागरिक पर आतंकी हमलाक जिम्मेदारी टीआरएफ लेने छेल, जाहिमे पाकिस्तान समर्थित आतंकी २६ लोककें गोली मारलक। एहि हमलासॅं क्षेत्रमे सुरक्षाक बारेमे गंभीर चिंता पैदा भऽ गेल।
एहिसॅं पहिने बृहस्पतिकें (अमेरिकी समय) अमेरिकी विदेश मंत्री मार्को रूबियो एकटा बयान जारी कय कहलनि कि, “आई विदेश विभाग द’ रेजिस्टेंस फ्रंटकें विदेशी आतंकी संगठन आ विशेष रूपसॅं नामित वैश्विक आतंकीक रूपमे नामित कयलक। टीआरएफ लश्कर-ए-तैयबा केर एकटा मोर्चा आ मोर्चा संगठन अछि।
