जम्मू-कश्मीरक दूटा पूर्व मुख्यमंत्री उमर अब्दुल्ला आ महबूबा मुफ्ती मंगलदिन लोकसभा चुनावमे अपन हारि स्वीकार कऽ लेलनि।
एकटा पैघ उलटफेरमे इंजीनियर राशिद लाखों मतसँ पराजित कयलनि। उमर अब्दुल्ला एक्स पर एकटा पोस्टमे कहलनि : “हमरा लगैत अछि जे अपरिहार्यकेँ स्वीकार करबाक समय आबि गेल अछि। इंजीनियर राशिदकेँ उत्तरी कश्मीरमे जीतक लेल बधाई। हमरा नहिं लगैत अछि जे हुनक जीतसँ हुनका जेलसँ शीघ्र रिहाई भेटि जाएत आ ने उत्तरी कश्मीरक लोककेँ ओ प्रतिनिधित्व भेटत जकर ओ हकदार छथि, मुदा मतदाता अपन बात कहि देलनि अछि आ लोकतंत्रमे ई सबसँ बेसी मायने रखैत अछि।”
महबूबा मुफ्ती अपन एक्स-पोस्टमे लिखलनि, “जनताक निर्णयक सम्मान करैत हम अपन पीडीपी कार्यकर्ता आ नेतासभकेँ सभ कठिनाईक बावजूद कठिन परिश्रम आ समर्थनक लेल धन्यवाद दैत छी। जे लोक हमरा वोट देलखिन हुनका प्रति हमर हार्दिक आभार। जीतनाइ आ हारब खेलक हिस्सा अछि आ ई हमरासभकेँ अपन रास्तासँ बाहर नहिं हटा सकैत अछि।”
