राहुल गांधीक दरभंगा दौरा पर काल्हि पूरा दिन बवाल मचल। अंबेडकर छात्रावासमे छात्रसँ बातचीत करबाक अनुमति नहि भेटला पर किछु काल तऽ ओ अपन गाड़ीमे बैसल रहलाह मुदा फेर गाड़ीसँ निकलि पैदल अंबेडकर छात्रावासक दिसि चलि पड़लाह। आगामी विधानसभा चुनावसँ पहिने कांग्रेस सांसद राहुल गांधी बिहार दौरा पर छलथि। हुनकर दरभंगा दौरा कए लऽ कऽ बुध दिनसँ आयोजक आ प्रशासनक बीच झगड़ा चलि रहल छल, काल्हि बृहस्पतिकेँ सेहो बवाल मचल। राहुल गांधी आ हुनकर समर्थककेँ पुलिस बहुत समय धरि रोकने रहल। राहुल किछु काल तक कार्यक्रम स्थलसँ पहिने अपन गाड़ीमे बैसल रहलाह, मुदा प्रशासनक अनुमति नहि भेटला पर ओ अपन गाड़ीसँ निकलि पैदल अंबेडकर छात्रावासक दिसि चलि पड़लाह।
अंबेडकर छात्रावासमे छात्र संग बातचीत करबाक अनुमति नहि भेटलाक बावजूद राहुल गांधी परिसरमे प्रवेश करबामे सफल भेलाह आ छात्रासँ बातचीत कएलनि। एही दौरान हुनक कहब छल, बिहार पुलिस हमरा रोकबाक प्रयास कयलक, मुदा हमरा रोकबामे सफल नहि भेल, कारण देशक युवा हमर संग छथि। कांग्रेसक वरिष्ठ नेता कहलनि जे हुनक पार्टी व्यक्तिगत शिक्षण संस्थान सभमे आरक्षण लागू होय धरि अपन लड़ाई जारी राखत।
लोकसभामे नेता प्रतिपक्ष गांधी बिहारक दरभंगामे आंबेडकर छात्रावासमे कांग्रेसक ‘शिक्षा न्याय संवाद’ कार्यक्रमक तहत छात्रासँ बातचीत कएलनि।
राहुल कहलनि, कांग्रेस देशक निजी शिक्षण संस्थानमे आरक्षण लागू करबाक मांग करैत अछि। हम एहि संदर्भमे सरकार पर दबाव बनायब…हमर लड़ाई तखनि धरि जारी रहत जखनि धरि ई नहि भ’ जाएत। ओ आरोप लगाबैत कहलनि जे ई सरकार दलित, अति पिछड़ा वर्ग, अल्पसंख्यक आ आदिवासी सभक खिलाफ अछि। ओ ईहो मांग कएलनि जे केंद्र राष्ट्रव्यापी जातिगत गणना लेल ‘तेलंगाना मॉडल’ केर पालन करय। कांग्रेस नेता कहलनि, केंद्रकेँ ई काज ओहि तरहेँ करबाक चाही जाहि तरह तेलंगाना सरकार कएलक।
दरभंगाक डीएम राजीव रोशन कहलनि जे जिला प्रशासन सीआरपीसी 163 केँ उल्लंघन लेल कांग्रेस सांसद राहुल गांधीक खिलाफ कारवाई करत। दरभंगा एयरपोर्ट पर हुनका प्रशासन द्वारा सभ बात बुझा देल गेल छल। तकर बावजूद ओ नियम तोड़लनि। सभ पहलू पर नजरि राखिकेँ आगाँक कार्यवाही कएल जायत।
