शत्रु राष्टक अलावा सभ देशक जहाज होर्मुज स्ट्रेटसँ गुजरत: ईरान

नई दिल्ली । समदिया

शत्रु राष्ट्रक जहाजकेँ छोड़ी कय बाकी सभ देशक जहाजकेँ होर्मुज जलडमरूमध्य पार करय केर अनुमति भेटत। ई बयान अमेरिकी राष्ट्रपति डोनाल्ड ट्रंप देशक 48 घंटाक अल्टीमेटम देलाक किछु देर बाद ईरान जारी कयलक। ईरानकेँ चेतावनी दैत ट्रंप कहने छलथि कि जँ समुद्री मार्गकेँ पूरा तरहसँ नहि खोलल जायत तँ ईरान केर बिजली संयंत्रक निशाना बनाओल जायत। मध्य पूर्वमे जारी तनावक बीच ईरान एही बातक पुष्टि कयलक कि शत्रु राष्ट्रकेँ जहाजक अलावा कोनो भी अन्य देशक जहाजकेँ होर्मुज जलडमरूमध्यसँ सुरक्षित गुजरय केर अनुमति देल जायत। एही संदर्भमे ईरान केर अपन “दुश्मन”केँ संदर्भमे साफ तौर पर अमेरिका आ इजरायलकेँ संकेत दैत अछि। ईरानक अंतरराष्ट्रीय समुद्री संगठन (आईएमओ) केर प्रतिनिधि अली मौसवी स्पष्ट कयलनि अछि कि जे जहाज ईरानक दुश्मनसँ नहि जुड़ल अछि, ओकरा सुरक्षित होर्मुज स्ट्रेजसँ  गुजरय देल जायत। मौसवी इहो कहलनि कि ईरान जहाजकेँ सुरक्षा प्रदान करय लेल अंतरराष्ट्रीय सहयोग देत। सभ महीना लगभग 3,000 जहाज होर्मुज जलडमरूमध्यसँ गुजरैत अछि। हालांकि 28 फरवरीसँ इ रूट पूरा तरहेँ सँ बंद नहि भेल अछि, मुदा निश्चित रूपसँ एकरा बाधाक सामना करय पड़ल अछि, ईरान किछु खास जहाज पर सेहो हमला कयलक, जाहिसँ एही गलियारासँ जहाज केर आवाजाही पर असर पड़ल अछि। वैश्विक ऊर्जा आपूर्ति लेल ई एही जलमार्ग केर बहुत महत्व अछि, कारण दुनियाक लगभग 20% कच्चा तेल आ एलएनजी केर परिवहन एही मार्गसँ होयत अछि। फलस्वरूप एही क्षेत्रमे बढ़ैत तनावक कारणे संभावित वैश्विक ऊर्जा संकटक आशंका बढ़ि गेल अछि।