मालदीवक राष्ट्रपति मोहम्मद मुइज्जू, मॉरीशसक प्रधानमंत्री प्रविंद कुमार जुगनौथ आ भूटानक प्रधानमंत्री शेरिंग टोबगे मनोनीत प्रधानमंत्री नरेन्द्र मोदीक शपथग्रहण समारोहमे भाग लेलनि। एहिसँ पहिने हवाई अड्डा पर विदेश मंत्रालयक सचिव (पश्चिम) पवन कपूर हुनक गर्मजोशीसँ स्वागत कयलनि।
विदेश मंत्रालयक आधिकारिक प्रवक्ता रणधीर जायसवाल एक्स पर एकटा पोस्टमे कहलनि, “भूटानक प्रधानमंत्री शेरिंग टोबगे प्रधानमंत्री आ मंत्रिपरिषदक शपथ ग्रहण समारोहक लेल नई दिल्ली पहुँचलाह। सचिव (पश्चिम) पवन कपूर हवाई अड्डा पर गर्मजोशी सँ स्वागत कयलनि। ई यात्रा भारत आ भूटानक बीच मित्रता आ सहयोगक घनिष्ठ सम्बन्धकेँ आओर मजबूत करत।”
पछिला साल १७ नवम्बरकेँ द्वीप राष्ट्रक राष्ट्रपति बनलाक बाद मुइज्जूक ई पहिल भारत यात्रा अछि। विदेश मंत्रालयक प्रवक्ता रणधीर जायसवाल एक्स पर लिखलनि, “मालदीवक राष्ट्रपति मुइज्जूकेँ नई दिल्लीमे प्रधानमंत्री आ मंत्रिपरिषदक शपथ ग्रहण समारोहमे शामिल होबय लेल गर्मजोशीसँ स्वागत कैल गेल।”
ओ कहलनि, “भारत आ मालदीव समुद्री साझेदार आ घनिष्ठ पड़ोसी अछि।”
बांग्लादेशक राष्ट्रपति शेख हसीना आ सेशेल्सक उपराष्ट्रपति अहमद अफीफ सेहो सम्मिलित भेलैथ।
समारोह मे मुइज्जू, हसीना आ अफीफ केर अलावा नेपालक प्रधानमंत्री पुष्प कमल दहल ‘प्रचंड’, श्रीलंकाक राष्ट्रपति रानिल विक्रमसिंघे, मॉरीशस केर प्रधानमंत्री प्रविंद कुमार जुगनौथ आ भूटानक प्रधानमंत्री शेरिंग टोबगे भाग लेबयवाला अन्य नेता शामिल छलथि।
विदेश मंत्रालय शनिदिन कहलक, “प्रधानमंत्री नरेन्द्र मोदीक शपथग्रहण समारोहमे लगातार तेसर बेर भाग लेबाक लेल नेतासभक यात्रा भारतक ‘पड़ोस प्रथम’ नीति आ ‘सागर’ दृष्टिकोणकेँ देल गेल सर्वोच्च प्राथमिकताक अनुरूप अछि।”
भारत सागर वा एहि क्षेत्रमे सबके लेल सुरक्षा आ विकासक व्यापक नीतिगत ढाँचाक अन्तर्गत हिन्द महासागर क्षेत्रक देशसभक सङ्ग सहयोग कऽ रहल अछि। शपथ ग्रहण समारोहमे भाग लेबाक अतिरिक्त विदेशी नेता राष्ट्रपति द्रौपदी मुर्मू द्वारा आयोजित भोजमे सेहो भाग लेताह।
भारत आ मालदीवक बीच तनावपूर्ण सम्बन्धक बीच नई दिल्ली द्वारा मुइज्जूकेँ शपथग्रहण समारोहमे भाग लेबाक लेल देल गेल आमंत्रण महत्वपूर्ण मानल जा रहल अछि।
भारत आ मालदीवक बीच संबंध पछिला साल नवंबरसँ गम्भीर तनावमे आबि गेल छल जखन चीन समर्थक रूखक लेल जानल जायवला मुइज्जू मालदीवक राष्ट्रपतिक पदभार सम्हारलनि।
शपथ लेलाक किछु घंटाक भीतर ओ अपन देशसँ भारतीय सैनिककेँ वापिस लेबाक माँग कयलनि। एहि मासक आरम्भमे भारतीय सेनाक जवानक स्थान पर आम नागरिक लोकनिकेँ सम्मलित कय लेल गेल।
